Պաշտպանութեան Նախարարը Կը Ծանօթանայ Մայք Սարեանի Նուիրած 100 Տեսակի Բժշկական Սարքերուն

0
161

ԵՐԵՒԱՆ, «Նիուզ».- Բարերար Մայք Սարեան 10 միլիոն տոլար արժողութեամբ հարիւր տեսակի բժշկական սարքեր նուիրեց հայկական բանակին:

Նուիրուած բժշկական սարքերն են՝ շարժական ճառագայթային հետազօտման գործիքներ, անզգայացման եւ արհեստական շնչառութեան սարքեր, գերձայնային հետազօտման սարքեր, ախտորոշիչ սարքեր, հիւանդներու խնամքի մշտադիտարկման եւ ինքնաշխատ ներարկման համակարգեր եւ այլն:

Պաշտպանութեան նախարար Վիգէն Սարգսեան այցելեց նախարարութեան դեղորայքի եւ բժշկական գոյքի կեդրոնական պահեստ եւ մօտէն ծանօթացաւ նուիրուած սարքերուն: Գոյքը, խնամքի պարագաներն ու ծախսուող նիւթերը, ըստ կարիքներու, պիտի բաշխուին զինուորական հիւանդանոցներուն:

Կարեւոր նկատելով սահմանամերձ համայնքներու առողջապահական համակարգի արդիւնաւէտ գործունէութիւնը՝ սարքերէն որոշ մաս մը պիտի յատկացուի սահմանամերձ համայնքներու առողջապահական հաստատութիւններուն:

LEAVE A REPLY

Please enter your comment!
Please enter your name here