Ռուսաստանաբնակ հայ գործարարներն ընդգրկվել են ԱՄՆ ֆինանսների նախարարության «Կրեմլյան զեկույց»-ում

0
124

ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Ռուսաստանում բնակվող հայ գործարարներ Սամվել Կարապետյանը, Դանիլ Խաչատուրովն ու Սերգեյ Գալիցկին (Հարությունյան) ներառվել են Միացյալ Նահանգների կողմից հրապարակված «Կրեմլյան զեկույց»-ում:

Ինչպես հաղորդում է «Արմենպրես»-ը, ԱՄՆ ֆինանսների նախարարությունը 2017 թվականի պատժամիջոցների մասին օրենքի շրջանակում հրապարակել է ցանկ, որում ներառված են Ռուսաստանի ամենահարուստ 96 մարդիկ և 104 ամենաբարձր պաշտոնյաները:

Նախարարությունից հայտնել են, որ այդ անձանց ներգրավումը ցուցակում չի ենթադրում պատժամիջոցների կամ որևէ տեսակի սահմանափակումների կիրառում տվյալ անձանց նկատմամբ: Սակայն միայն նրանց սովորական ընդգրկումն այդ ցուցակում կարող է ԱՄՆ-ում և Եվրոպայում գործող բանկերին ու այլ ինստիտուտներին հետ պահել ներգրավված անձանց հետ գործարքներից:

Ֆինանսների նախարարությունը հայտնել է նաև, որ ցուցակի կազմելու համար օբյեկտիվ չափանիշ են ընդունել՝ 1 մլրդ դոլարից ավել կարողություն ունեցող գործարարներ և «բարձր քաղաքական ֆիգուրներ»:

Bloomberg-ը գրում է, որ ԱՄՆ ցուցակում ներառված անձանց շարքում կան գործարարներ, ում դեմ արդեն իսկ պատժամիջոցներ են կիրառվում ՌԴ նախագահ Վլադիմիր Պուտինի հետ սերտ կապեր ունենալու պատճառով: Որպես այդպիսին՝ պարբերականը հիշատակում է հայազգի գործարար Սերգեյ Գալիցկիին:

Ցուցակում ներառված է նաև ՌԴ նախագահի խոսնակ Դմիտրի Պեսկովը:

http://armenpress.am/arm/news/920801/

LEAVE A REPLY

Please enter your comment!
Please enter your name here