Նորա Արիսեան Ընդգրկուած Է Սուրիոյ Խորհրդարանի «Սահմանադրութիւնը Քննարկող Յանձնախումբ»-ի Կազմին Մէջ

0
149

Սուրիոյ խորհրդարանի հայ երեսփոխան Նորա Արիսեան սուրիական հարցով Սոչիի մէջ տեղի ունեցած ժողովը կարեւոր քայլ կը նկատէ: Ան ժողովին մասնակցած է իբրեւ Սուրիա-Հայաստան Խորհրդարանական բարեկամական խումբի նախագահ:

«Իմ կարծիքով` Սոչիի ժողովը շատ կարեւոր է, քանի որ տեղի ունեցաւ այն պահուն, երբ Սուրիոյ մէջ ահաբեկչութեան դէմ յաղթանակներ արձանագրուեցան: Սոչիի ժողովը փաստեց, որ Սուրիոյ մէջ քաղաքական հոլովոյթը կը սկսի ու կը շարունակուի սուրիական ղեկավարութեամբ` առանց դուրսի միջամտութիւններուն», ըստ «Արմէնփրես»-ին` ըսած է հայ երեսփոխանը:

Ան նաեւ տեղեկացուցած է, որ մաս կը կազմէ ժողովին լոյսին տակ ձեւաւորուած «Սահմանադրութիւնը քննարկող յանձնախումբ»-ին, որ բաղկացած է 150 անդամէ: «Ժողովին աւարտին հրապարակուած յայտարարութիւնը ինքնին կը բացայայտէ, որ սուրիացիները մեծամասնութեամբ կառչած են ազգային սկզբունքներուն եւ Սուրիոյ ինքնիշխանութեան ու տարածքային ամբողջականութեան», ըսած է Նորա Արիսեան:

LEAVE A REPLY

Please enter your comment!
Please enter your name here