Հայաստանի Մշտական Բնակչութիւնը 2017-ին Նուազած է 13.2 Հազարով

0
371

ԵՐԵՒԱՆ, «Փանորամա».- Հայաստանի մշտական բնակչութեան թիւը  1 Յունուար 2018-ին կազմած է  2 միլիոն 972 հազար 900, մինչդեռ 1 Յունուար 2017-ին թիւը 2 միլիոն 986 հազար 100 եղած է:

Հայաստանի ազգային վիճակագրական ծառայութեան հրապարակած տուեալներուն համաձայն՝  1 միլիոն 76.4 հազար անձեր կ՛ապրին մայրաքաղաք Երեւանի մէջ:  Արմաւիրի ու Արարատի մարզերու բնակաչութիւնը համապատասխանաբար 257 հազար 400 եւ 265 հազար 400 է: Ամէնէն քիչ բնակչութիւնը ունի Վայոց Ձորը՝ 49 հազար 800:

Նշենք, որ 2017-ին Հայաստանի մէջ ծնած են 37 հազար 699 երեխաներ, 2016-ին՝ 40 հազար 592, 2015-ին՝ 41 հազար 763:

Վիճակագրութենէն նաեւ կը տեղեկանանք, որ 2017-ի Յունուար-Դեկտեմբեր ամիսներուն, Հայաստանի մէջ արձանագրուած են 1000 ամուսնութիւններ եւ 259 ամուսնալուծութեան դէպքեր:

 

LEAVE A REPLY

Please enter your comment!
Please enter your name here