«Ազրպէյճանի Հետ Լաւ Յարաբերութիւնները Մեզի Համար Աւելի Կարեւոր Են, Քան Հայոց Ցեղասպանութեան Ճանաչումը» Կ՛ըսէ Լիպըրման

0
214

Իսրայէլի պաշտպանութեան նախարար Աւիկտոր Լիպըրման ռուսական «Առ.Թի.Վի.1» պատկերասփիւռի կայանին հետ հարցազրոյցի ընթացքին յայտարարած է, թէ Իսրայէլ Ազրպէյճանի պատճառով չի ճանչնար Հայոց ցեղասպանութիւնը: Այս մասին կը հաղորդէ «Նոր Յառաջ»:

Լիպըրման հաղորդավարի «միջազգային որոշ կառոյցներ Թուրքիոյ վրայ ճնշում գործադրելու նպատակով Իսրայէլին կոչ կ՛ուղղեն ճանչնալու Հայոց ցեղասպանութիւնը: Դուք ի՞նչ կը մտածէք այս մասին» հարցումին պատասխանելով ըսած է. «Ատիկա նախ եւ առաջ պատմական եւ վիճայարոյց հարց է: Հայոց ցեղասպանութեան խնդիրին վերաբերեալ Իսրայէլի դիրքորոշումը վճռական է»:

«Հայոց ցեղասպանութեան ճանաչման հարցը ուղղակիօրէն կապուած է Ազրպէյճանի հետ մեր լաւ յարաբերութիւններուն: Անշուշտ, այդ յարաբերութիւնները մեզի համար շատ աւելի կարեւոր են», աւելցուցած է Լիպըրման:

LEAVE A REPLY

Please enter your comment!
Please enter your name here