Հայոց Ցեղասպանութեան Մասին՝ Ֆրանսական Նոր Ֆիլմ

0
186

Բեմադրիչ Արտակ Իգիթեան Ֆրանսայի մէջ կը պատրաստէ նոր ֆիլմ մը, որ կը կոչուի «Անատոլիական Պատմութիւն»: Ֆիլմի բեմագրութիւնը հիմնուած է Մարք Արենի (Կարէն Մարգարեան) «Այնտեղ, Ուր Կը Ծաղկին Վայրի Վարդեր. Անատոլիական Պատմութիւն» գիրքի հիման վրայ, կը հաղորդէ «Փանորամա»ն:

Ֆիլմի երաժշտութեան հեղինակը Միշել Լըկրանն է:

Ֆիլմին մէջ դերեր ստանձնած են ֆրանսացի հանրայայտ դերասաններ՝ Սամի Նասերի, որ յայտնի է ֆրանսական «Թաքսի» կատակերգութեամբ եւ Ժերար Տարմոն: Ֆիլմին մէջ կնոջ առաջատար դերը կը կատարէ Հերմինէ Ստեփանեան:

Ֆիլմի նկարահանումները տեղի պիտի ունենան 2018ի ընթացքին, որուն աշխատանքային ծրագիրը արդէն պատրաստ է:

Նշենք, որ Մարք Արենի «Այնտեղ, Ուր Կը Ծաղկին Վայրի Վարդեր. Անատոլիական Պատմութիւն» վէպին մէջ կը նկարագրուի հայատեաց թուրքի մը ապրումները, երբ ան իր ծերութեան յանկարծ կը յայտնաբերէ, որ իր ծնողները հայեր եղած են:

LEAVE A REPLY

Please enter your comment!
Please enter your name here