Վարչապետը Պիտի Ունենայ Երկու Նստավայր

0
190

ԵՐԵՒԱՆ.- Կառավարութեան Հինգշաբթի, 5 Ապրիլի նիստէն ետք, արդարադատութեան նախարար Դաւիթ Յարութիւնեան լրագրողներուն յայտնեց, որ Հայաստանի Հանրապետութեան վարչապետը պիտի ունենայ երկու նստավայր:

«Վարչապետը կառավարութիւնում եւս ունենալու է նստավայր, որովհետեւ կառավարութեան անդամների հետ թերեւս առաւել արդիւնաւէտ աշխատանք կարող է իրականացուել այստեղ», ըսաւ Յարութիւնեան:

Նախարարը ընդգծեց, որ գործող վարչապետի հնարաւորութիւնները այն աստիճան ընդլայնուած են, որ գործող նախագահի լիազօրութիւններու զգալի մասը պիտի իրականացուի վարչապետին կողմէ եւ զուտ կառուցուածքային ու ենթակառուցուածքային առումով՝ նախագահի նստավայրի շէնքը յարմարեցուած է շարք մը լիազօրութիւններու պատշաճ իրականացման համար:

Դաւիթ Յարութիւնեան ըսաւ, որ Բաղրամեան 26ը (նախագահի այժմու նստավայրը) կ՛օգտագործուի շարք մը լիազօրութիւններու իրականացման համար, իսկ այն լիազօրութիւնները, որոնք ուղղակիօրէն կ՛առնչուին կառավարութեան գործունէութեան, կ՛իրականացուին կառավարութեան շէնքին մէջ:

LEAVE A REPLY

Please enter your comment!
Please enter your name here