Հայաստանի Մէջ Կ՛ուսանին 3757 Սփիւռքահայեր Եւ 2491 Օտարերկրացիներ

0
166

2017-2018 ուսումնական տարեշրջանին, Հայաստանի բարձրագոյն ուսումնական հաստատութիւններուն (Բուհ) մէջ կ՛ուսանին 3757 սփիւռքահայեր, որոնցմէ 1847ը՝ պետական, 536ը՝ ոչ-պետական, 1012՝ միջազգային համալսարաններու, իսկ 362՝ քոլեճներու մէջ:

Սփիւռքայան ուսանողներէն ամենամեծ թիւը Ռուսիայէն է՝ 1454, Վրաստանէն՝ 1209, Սուրիայէն՝ 536, Իրանէն՝ 139:

Հայաստանի պետական բուհերու 1847 ուսանողներէն 607ը կ՛ուսանի Երեւանի Մ. Հերացիի անուան պետական բժշկական համալսարանին մէջ, 234ը՝ Երեւանի պետական համալսարանին, 203ը՝ Ճարտարապետութեան եւ շինարարութեան Հայաստանի ազգային համալսարանին:

Նախապատրաստական դասարան կը յաճախեն 82, պսակաւոր արուեստից՝ 1551, մագիստրոսական՝ 199, ասպիրանտուրայի՝ 15 սփիւռքահայ ուսանողեր, կը յայտնէ կրթութեան նախարարութեան մամուլոյ ծառայութիւնը:

2017-2018 ուսումնական տարեշրջանին Հայաստանի բուհերուն մէջ կ՛ուսանին 2491 օտարերկրեայ ուսանողներ: Ամենաշատ ուսանողները Հնդկաստանէն են՝ 1142 հոգի, Իրանէն՝ 430, Իրաքէն՝ 404, Իսրայէլէն՝ 118:

Պետական բուհեր կը յաճախեն 1307, ոչ-պետական բուհեր՝ 963, միջազգային բուհեր՝ 203 եւ քոլեճներ՝ 18 օտարերկրեայ ուսանողներ:

LEAVE A REPLY

Please enter your comment!
Please enter your name here