Նշանակումներ Եւ Վերանշանակումներ` Հայաստանի Կառավարութեան Մէջ. Կարէն Կարապետեանը Նշանակուեցաւ Առաջին Փոխվարչապետ

0
158

Հայաստանի Հանրապետութեան նախագահ Արմէն Սարգսեան հրամանագիր ստորագրած է` Կարէն Կարապետեանը առաջին փոխվարչապետ նշանակելու մասին:

«Հիմք ընդունելով վարչապետի առաջարկը` համաձայն սահմանադրութեան 150-րդ յօդուածի, Կարէն Կարապետեանը կը նշանակուի առաջին փոխվարչապետ», ըսուած է նախագահի ստորագրած հրամանագիրին մէջ:

Նախագահի երկու այլ հրամանագիրներով փոխվարչապետներ նշանակուած են Վաչէ Գաբրիէլեանը եւ Արմէն Գէորգեանը:

Իսկ Հայաստանի վարչապետ Սերժ Սարգսեանի հրամանագիրով Ալեքսան Յարութիւնեանը նշանակուած է վարչապետի գլխաւոր խորհրդական:

Կառավարութեան կազմին համար, Հայաստանի նախագահի հրամանագիրով, հիմք ընդունելով վարչապետի առաջարկը, Էդուարդ Նալբանդեանը վերանշանակուեցաւ արտաքին գործոց նախարարի պաշտօնին, իսկ Վիգէն Սարգսեանը` պաշտպանութեան նախարարի պաշտօնին:

LEAVE A REPLY

Please enter your comment!
Please enter your name here