Հանդիպում ՀԲԸՄ Եւրոպայի Կառոյցի Եւ ՀՅԴ Եւրոպայի Հայ Դատի Գրասենեակի Ներկայացուցիչներու Հետ

0
100

Չորեքշաբթի, 20 Յունիսին աշխատանքային այցով Պրիւքսէլ գտնուող ԱԳ նախարար Զոհրաբ Մնացականեան Պելճիգայի մէջ ՀՀ դեսպանութեան յարկէն ներս հանդիպում ունեցաւ Հայ բարեգործական ընդհանուր միութեան (ՀԲԸՄ) եւրոպական տնօրէն Նիկոլայ Դաւիթեանի հետ:

ԱԳ նախարարը բարձր գնահատեց ՀԲԸՄ նշանակալի աւանդը համահայկական օրակարգի հարցերու բարձրաձայնման եւ ատոնց լուծման ուղղուած ծրագիրներու նախաձեռնման եւ իրականացման գործին մէջ, ՀԲԸՄ գործունէութիւնը հայկական հոգեւոր, մշակութային, կրթական կեանքէն ներս:

Զրուցակիցները մտքեր փոխանակեցին հայապահպանութեան գործին մէջ պետութեան դերակատարութեան շուրջ: ԱԳ նախարարն ընդգծեց, որ ուժեղ համայնքային կառոյցները կը հանդիսանան Հայաստանի կայուն զարգացման հիմնասիւներէն մէկը:

Նիկոլայ Դաւիթեան ներկայացուց ՀԲԸՄ Եւրոպայի կառոյցի գործունէութիւնը, ընթացիկ ծրագիրները եւ նոր նախաձեռնութիւնները, ատոնց մէջ Հայաստանի պետական եւ հասարակական կառոյցներու հետ համագործակցութեան հնարաւորութիւնները:

ԱԳ նախարարը ներկայացուց Հայաստանի մէջ տեղի ունեցած վերջին զարգացումները, կառավարութեան ծրագիրի արտաքին քաղաքական ուղղութիւնը եւ Հայաստան-Եւրոմիութիւն օրակարգը: Անդրադարձ կատարուեցաւ Հայաստան-ԵՄ համագործակցութեան ընդլայնման հարցով հայկական կառոյցներու դերակատարութեան:

Նոյն օրը Հայաստանի ԱԳՆ ղեկավարը հանդիպեցաւ ՀՅԴ Եւրոպայի Հայ դատի գրասենեակի նախագահ Գասպար Կարապետեանի հետ:

Գասպար Կարապետեան նախարար Մնացականեանին ներկայացուց Պրիւքսէլի  եւ եւրոպական երկիրներուն մէջ Հայ դատի գրասենեակներու գործունէութիւնը` հանգամանալից անդրադարձ կատարելով ընթացիկ ծրագիրներուն եւ համահայկական օրակարգի առաջմղման ուղղութեամբ ձեռնարկուող քայլերուն:

ԱԳ նախարարը ներկայացուց Ղարաբաղեան հիմնախնդրի բացառապէս խաղաղ կարգաւորման գործընթացի առնչութեամբ Հայաստանի մօտեցումները:

 

LEAVE A REPLY

Please enter your comment!
Please enter your name here