Առանց Պատճառի Ամերիկացիներուն Հետ Բանակցիլը Ժամանակի Կորուստ Է. Ասատ

0
149

ԴԱՄԱՍԿՈՍ, «Ա.Էֆ.Փէ.».- «Կը հաւատանք, որ բանակցութիւնը, զրոյցը կամ քննարկումը հակառակորդին կամ ոեւէ այլ անձի հետ արդիւնաւէտ է, բայց այս պարագային, եւ 1974ին Միացեալ Նահանգներու հետ մեր առաջին բանակցութենէն ի վեր, որեւէ նիւթի շուրջ որեւէ արդիւնքի չենք հասած: Ամերիկացի նախագահներուն հարցը այն է, որ անոնք պատանդ են լոպիիստական խումբերուն, որոնք յառաջ կը մղեն մեծ ընկերութիւններու, տնտեսական հաստատութիւններու, քարիւղի եւ զէնքերու ընկերութիւններու շահերը», յայտարարեց Սուրիոյ նախագահ Պաշշար Ասատ:

Ասատ նշեց, որ ամերիկացի ղեկավարները քեզի կ՛ըսեն ինչ որ կ՛ուզես լսել, բայց հակառակը կ՛ընեն, եւ անոր վառ օրինակը համարեց ներկայ նախագահ Տանըլտ Թրամփը։

«Այդ պատճառով, ամերիկացիներուն հետ հիմա խօսիլը եւ քննարկելը, առանց լուրջ պատճառի եւ առանց արդիւնքի, ժամանակի կորուստ է», ըսաւ Ասատ՝ շեշտելով, որ չի կարծեր, որ ամերիկեան քաղաքականութիւնը տարբեր պիտի ըլլայ մօտիկ ապագային։

LEAVE A REPLY

Please enter your comment!
Please enter your name here