Անգարա Կ՛ուզէ Քոնկրեսական Շիֆի Բերանը Փակել

0
132

ԵՐԵՒԱՆ, «Էրմենիհապեր».- Թուրքիոյ նախագահի մամլոյ խօսնակ Իպրահիմ Քալըն կոպիտ կերպով արտայայտուած է քոնկրեսական Էտըմ Շիֆի հասցէին, որովհետեւ վերջինս մերժած է շնորհաւորել Ռեչեփ Թայիփ Էրտողանը՝ նախագահ վերընտրուելուն կապակցութեամբ:

Շիֆ այդ մասին «Թուիթըր»ի վրայ գրած էր. «Թուրքիոյ մէջ տեղի ունեցած ընտրութիւններուն ընթացքին Էրտողան «յաղթեց» միա՛յն՝ ընդդիմութիւնը ձերբակալելու, բռնութիւն գործադրելու եւ ազատ մամուլին նկատմամբ ճնշումներ իրականացնելու շնորհիւ: Ես չեմ շնորհաւորեր Էրտողանը»:

Ի պատասխան այս գրառման՝ Քալըն գրած է. «Էրտողան շնորհաւորանքիդ կարիքը չունի: Թուրք ժողովուրդը կայացուց իր որոշումը: Բերանդ փակէ՛»:

LEAVE A REPLY

Please enter your comment!
Please enter your name here