Ըստ «Նիւ Եորք Թայմզ»ի՝ Էրտողանի Պատճառով Թուրք Միլիոնատէրերը Կը Հեռանան

0
126

ՊՈԼԻՍ, «Մարմարա».- «Նիւ Եորք Թայմզ» թերթը յօդուած մը հրապարակեց Թուրքիոյ մասին՝ «Տնտեսական Դժուարութիւններն Ու Էրտողանի Բռնաճնշումներու Քաղաքականութիւնը» խորագիրով։ Յօդուածը, որ ընդհանրապէս իշխանութիւններու եւ նախագահ Էրտողանի մասին քննադատութիւններ կը բովանդակէ, նաեւ կը պնդէ, որ Թուրքիոյ տնտեսական վիճակը շատ ծանր է ու այդ իսկ պատճառով՝ հարուստ մարդիկ իրենց նիւթական միջոցները դուրս կը հանեն երկրէն։

«2017ին, Թուրքիա բնակող միլիոնատէրերուն 12 տոկոսը հեռացած է դէպի այլ երկիրներ։ Այս իրավիճակը կ՛ապացուցէ, թէ որքա՛ն ծանր վիճակի մէջ է Թուրքիոյ տնտեսութիւնը։

2018ի տարեսկիզբէն ի վեր, թուրքերը կը շարունակեն իրենց լիրաները փոխել տոլարի ու եուրոյի։ Այդ դրամները հանուեցան երկրի սահմաններէն դուրս։ Թուրքիոյ միլիոնատէրերը երկրէն հեռացան թէ՛ երկրի նախագահի բռնաճնշումներու քաղաքականութեան եւ թէ տնտեսական դժուարութիւններուն պատճառով», կը պնդուի յօդուածին մէջ։

LEAVE A REPLY

Please enter your comment!
Please enter your name here