ՁՕՆ … (Գարնանային Ձօն)

0
219

Հիւսք-հիւսք կանաչ՝ ուսերուն,

Թիռ-թիռ թիթեռ՝ քայլերուն,

Յասամաննե՜ր ձեռքին մէջ

Ու փիրուզներ աչքերուն,

Կինտոյի պէս թոյրաբեռ՝

Կեցաւ գարունը իմ դէմ …

 

Ու ես ապշած բոյրարբուն

Ըսի «կ՛առնեմ ծախդ քու»

Ըսի «Թող որ շաղով քու՝

Հեղ մ՛ալ կեանքս զգենու»

 

Ու համրեցինք առուտուրն.

 

Տաս միլիոն թագ՝ նարկիսէն …

Մարմանդ մը սէր՝ կանաչէն …

Երկինք մը մով՝ լազուարթէն …

Ու փառքուղի՝ շառայլէն …

 

Փունջ-փունջ կանաչ ափերուս,

Հիր-հիր կարմիր այտերուս,

Ու ճերմակներ սրտիս մէջ

Ու կապոյտ-թիռ աչքերուս՝

Հիմա ես եմ որ կ՛երթամ

Որպէս գարնան տաղերգու՝

Ազգիս՝ գանձերս տալու …

Գրող՝ Ճարտարագէտ Թադէոս Եսայեան

Պատկերի ձեւաւորում՝ Շաքէ Մանկասարեան

LEAVE A REPLY

Please enter your comment!
Please enter your name here