Գիւմրիի ՄԷջ Մահացած Է Նիւեորքաբնակ Բարերար Յովհաննէս Օյունճեանը

0
318

Գիւմրիի մէջ մահացած է հայ մեծ բարերար, Գիւմրիի պատուաւոր քաղաքացի, Նիւեորքաբնակ բժիշկ Յովհաննէս Օյունճեանը:

Նշենք, որ յուլիս 13-ին հէնց Գիւմրիի մէջ ան նշեց իր ծննդեան 98-ամեակը: Հէնց այդ օրն ալ Գիւմրիի Օյունճեան վարժարանի հարեւանութեամբ տեղի ունեցաւ «Յովհաննէս Օյունճեան» անունը կրող համերգային դահլիճի հիմնարկէքի արարողութիւնը, որուն կը մասնակցէր նաեւ Յովհաննէս Օյունճեան:

Շիրակի մարզպետ Կարէն Սարուխանեան իր ցաւակցական ուղերձին մէջ նշած էր. «Բարերարը գիւմրեցիներուն սատարեց ծանր պահուն` օգնելով յաղթահարել դժուարութիւններ, վերականգնել ու կառուցել կրթական ու մշակութային օճախներ, ջանք ու եռանդ չխնայեց Գիւմրիի վերականգնման ու շէնացման գործին:
Մեր երկիրը կորսնցուց իր արժանաւոր մտաւորականին, նուիրեալ հայրենասէր մարդուն ու քաղաքացիին»:

Արմենակ եւ Եղիսաբէթ Օյունճեաններու զաւակը` Յովհաննէս Օյունճեան ծնած է Արեւմտեան Հայաստանի Չենգիլար գիւղին մէջ:  Երեք տարեկան դեռ չեղած, երբ մահացած է հայրը, վեց ամիս յետոյ` քոյրը: Չորս տարեկան  եղած է, երբ մահացած է մայրը:  Եօթ տարեկանին Օյունճեան գիշերօթիկի սան էր: Տասնմէկ տարեկանին գացած է վարժարան, ուր յաճախած էր Դանիէլ Վարուժանը: Վարժարանը աւարտելէ յետոյ խելացի եւ ուշիմ աշակերտը ուսումը շարունակած է Կեդրոնական վարժարանին մէջ եւ որոշած դառնալ բժիշկ: Ան ուսումն աւարտած է ԱՄՆ-ի մէջ,  Նիւ-Եորքի մէջ  բացած է իր իսկ բուժարանը:

Նիւեորքաբնակ բժիշկ Յովհաննէս Օյունճեան 1988 թուականէն յետոյ հիմնած է «Օյունճեան» բարեգործական հիմնադրամը, որ անցած 20 տարիներուն ընթացքին Գիւմրիի մէջ կատարած է 7 մլն տոլարի ներդրում. 2000 թ.  Հիմնանորոգումէն ետք  բացուած է «Օյունճեան» թիւ 21 դպրոցը, 2014-ին` «Վարդուհի» արուեստի դպրոցը, 2017-ին այդ դպրոցին կից շահագործուած է «Աղաւնի» արհեստներու դպրոցը, կը գրէ panorama.am-ը:

LEAVE A REPLY

Please enter your comment!
Please enter your name here