Պաքու Կը Հետախուզէ Տեն Պիլզերեանի Արցախ Այցը

0
303

ԵՐԵՒԱՆ, «Ազատութիւն».-  30 Օգոստոսին, Ատրպէյճան հետախուզութիւն յայտարարեց ամերիկահայ միլիոնատէր, համացանցի ընկերային ցանցերու վրայ միլիոնաւոր հետեւորդներ ունեցող «Փոքերի արքայ» Տեն Պիլզերեանի նկատմամբ, անոր Արցախ այցելութեան կապակցութեամբ։

«Գլխաւոր դատախազութիւնը տեղեկութիւններ ստացած է, թէ Պիլզերեան այցելած է Ատրպէյճանի գրաւեալ տարածքները եւ ցուցադրաբար կրակ բացած տարբեր զինատեսակներէ», կը հաղորդեն ատրպէյճանական լրատուամիջոցները, ըստ որոնց՝ յարուցուած է քրէական գործ, որ պիտի հետապնդուի Ատրպէյճանի դատախազութեան ծանր յանցագործութիւններով զբաղող վարչութեան կողմէ:

Ինչպէս նախապէս տեղեկա-ցուցած էինք, Պիլզերեան անցած շաբաթավերջին, իր անձնական նախաձեռնութեամբ այցելած էր Արցախի Հանրապետութիւն, իսկ Երկուշաբթի, 27 Օգոստոսին, ներկայացած էր Հայաստանի Զինուած ուժերու վարչութիւն եւ արձանագրուած էր իբրեւ բանակի պահեստային զինուոր: Ան նաեւ Հայաստանի քաղաքացիութիւն ստացած է:

Յատկանշական է, որ Ատրպէյճանի արտաքին գործոց նախարարութեան բանբերը, պատասխանելով այս մասին հարցումի մը՝ Օգոստոս 29ին յայտնած էր, թէ «նման անլուրջ մարդոց նման ծաղրածուական արարքները մեկնաբանելու անհրաժեշտութիւն չկայ»։

LEAVE A REPLY

Please enter your comment!
Please enter your name here