Քեն Խաչիկեան Պիտի Ստանձնէ Ամերիկայի Հայ Աւետարանչական Ընկերակցութեան 100ամեակի Տօնակատարութեան Հանդիսավարութիւնը

0
254

Հոկտեմբեր 20ին, Լոս Անճելըսի քաղաքամէջը գտնուող «Պիլթմոր» պանդոկի սրահին մէջ կայանալիք Ամերիկայի Հայ աւետարանչական ընկերակցութեան (ԱՀԱԸ) 100ամեակի տօնակատարութիւնը տեղի պիտի ունենայ «Մէկ դար հաւատի, սիրոյ եւ սպասարկութեան տօնակատարութիւն» խորագիրին տակ. ճաշկերոյթի ընթացքին պիտի մեծարուին ԱՀԱԸի Արեւմտեան Ամերիկայի գործունէութեան երկար տարիներով նեցուկ կանգնած Ճան Շին, Ստեփան Փիլիպոսեան, Եբրուհի եւ Ճան Քոնթէներ եւ Ճերըլտ ու Փաթրիսիա Թրբանճեաններ:

Տօնակատարութեան հանդիսավարութիւնը ստանձնած է Քեն Խաչիկեան, որ երկար տարիներով եղած է Միացեալ Նահանգներու նախագահ Ռիչըրտ Նիքսընի խորհրդականը եւ նախագահ Ռանըլտ Ռեկընի յատուկ խորհրդականն ու ճառերու գլխաւոր հեղինակը, ինչպէս նաեւ՝ Քալիֆորնիոյ նահանգապետ Ճորճ Տէօքմէճեանի բարձրաստիճան խոր-հրդականը։ Ան Քալիֆորնիոյ նահանգային հանրապետականներուն «առիւծ»ը նկատուած է եւ գլխաւորած շարք մը ընտրապայքարներ։ Ան մաս կազմած է «100 Կեանքեր» ցանկին, որուն մաս կազմած են «աշխարհը փոխած 100 հայեր»։

Ասպարէզով իրաւաբան Քեն Խաչիկեան, հասակ նետած է Կեդրոնական Քալիֆորնիա. զաւակն է Հայոց Ցեղասպանութենէն ճողոպրած Յովհաննէս Խաչիկեանի (Չոմախլուէն) եւ Ֆրեզնօ ծնած Էլիզապէթի (խարբերդցի)։

Ձեռնարկի մասին յաւելեալ տեղեկութիւններու համար, կարելի է դիմել (626) 487-5878 եւ (201) 265-2607 թիւերուն, կամ՝ [email protected] հասցէին։

LEAVE A REPLY

Please enter your comment!
Please enter your name here