Ռուսիոյ Նախագահը Յառաջիկային Պիտի Այցելէ Հայաստան

0
267

ԵՐԵՒԱՆ, «Արմէնփրէս».- Չորեքշաբթի, 26 Սեպտեմբերին, լրագրողներու հետ հանդիպման ընթացքին, Հայաստանի արտաքին գործոց նախարարութեան մամլոյ խօսնակ Տիգրան Բալայեան յայտնեց, թէ Ռուսիոյ նախագահ Վլատիմիր Փութին յառաջիկային պաշտօնական այցով պիտի ժամանէ Հայաստան:

«Ռուսաստանի նախագահի այցի վերաբերեալ քննարկումները շարունակւում են, սակայն ժամկէտներ յստակեցուած չեն: Միայն կարող եմ ասել, որ ե՛ւ ռուսական կողմը, ե՛ւ մենք հաստատել ենք, որ առաջիկայում նման այցելութիւն ծրագրուած է, որն ունենալու է պաշտօնական այցելութեան բնոյթ», ըսաւ Տիգրան Բալայեան:

Միւս կողմէ, Ռուսիոյ նախագահի օգնական Եուրի Ուշաքով, հաստատելով հանդերձ, որ նախագահ Փութինի այցելութիւնը Հայաստան քննարկուած է, յայտնեց, թէ մինչեւ տարեվերջ այդ այցելութիւնը քիչ հաւանական կը գտնէ: «Պէտք է մտածել 2019-ի մասին», ըսաւ Ուշաքով՝ աւելցնելով, որ երկու երկիրներու ղեկավարները առիթ պիտի ունենան հանդիպելու Տուշանպէի մէջ, ԱՊՀ գագաթնաժողովին, ապա Աստանայի մէջ ՀԱՊԿ նստաշրջանին ընթացքին, իսկ Դեկտեմբերին՝ Մոսկուայի մէջ ԵԱՏՄ գագաթնաժողովին:

Ուշաքով նաեւ յիշեցուց, որ Փութին-Փաշինեան հանդիպում մը տեղի ունեցած էր վերջերս: «Այս տարուան ընթացքին անոնք երեք անգամ հանդիպեցան, եւ եղան հանգամանալից քննարկումներ», նշեց Ուշակով:

LEAVE A REPLY

Please enter your comment!
Please enter your name here