Երեւանի Աւագանին Կազմուած Է. «Իմ Քայլը» Ունի 57 Աթոռ, ԲՀԿ-ն` 5, «Լոյս»-ը` 3

0
204

Կեդրոնական ընտրական յանձնախումբը 30 սեպտեմբերին տեղի ունեցած արտահերթ նիստին ամփոփած է Երեւանի աւագանիի 23 սեպտեմբեր 2018-ի արտահերթ ընտրութիւններու արդիւնքները:

Հայաստանի Հանրապետութեան Կեդրոնական ընտրական յանձնախումբի մամլոյ ծառայութենէն կը տեղեկացնեն, թէ յանձնախումբը, հիմք ընդունելով ընտրական տեղամասերուն մէջ քուէարկութեան արդիւնքներուն վերաբերեալ արձանագրութիւնները, վերահաշուարկի արդիւնքները, քուէարկութեան արդիւնքներուն վերաբերեալ ընդունուած որոշումները, կազմած է արձանագրութիւն` Երեւանի աւագանիի արտահերթ ընտրութեան քուէարկութեան արդիւնքներուն վերաբերեալ:

Կեդրոնական ընտրական յանձնախումբը տուած է նաեւ Երեւանի աւագանիի արտահերթ ընտրութիւններու արդիւնքներուն վերաբերեալ որոշում, որուն համաձայն ընտրութիւններու նախապատրաստման եւ քուէարկութեան ընթացքին տեղի չեն ունեցած Հայաստանի Հանրապետութեան ընտրական օրէնսգիրքի այնպիսի խախտումներ, որոնք կրնային ազդել ընտրութեան արդիւնքներուն վրայ:

Կեդրոնական ընտրական յանձնախումբի մէկ այլ որոշումով` Երեւանի աւագանին կազմուած է, եւ աթոռները բաշխուած են հետեւեալ ձեւով`

1) «Իմ քայլը» կուսակցութիւններու դաշինք` 57 աթոռ
2) «Բարգաւաճ Հայաստան» կուսակցութիւն` 5 աթոռ
3) «Լոյս» կուսակցութիւններու դաշինք` 3 աթոռ:

LEAVE A REPLY

Please enter your comment!
Please enter your name here