ՀԵԸ ԱՆԴՐԱՆԻԿ ՍԻՆ ԷԼ ՖԻԼ ՀԱՍԱՒ ԼԻԲԱՆԱՆԻ ՊԱՍՔԵԹՊՈԼԻ Գ.ԴԱՍԱԿԱՐԳԻ ԱԽՈՅԵԱՆՈՒԹԵԱՆ ՖԱՅՆԸԼ ՖՈՐ-ԻՆ:

0
1295

Լիբանանի պասքեթպոլի տղոց Գ.դասակարգի ախոյեանութեան 2017-2018 տարեշրջանի խմբային   փուլի (Բ.Խմբակ) վերջին մրցումին,  ՀԵԸ Անդրանիկ Սին էլ ֆիլ, շարունակելով իր  յաղթարշաւը՝  77-58 արդիւնքով պարտութեան  մատնեց  Շեպէպ Սուրը: Մրցումը տեղի ունեցաւ Շիահի մարզադաշտին    մէջ:

ՀԵԸ Անդրանիկ Սին Էլ Ֆիլ կը մասնակցէր  ախոյեանութեան Բ. Խմբակի մրցումներուն: Իւրաքանչիւր խմբակ կ’ընդգրկէր  վեց խումբ: Յաղթանակը, ՀԵԸ  Անդրանիկ Սին էլ Ֆիլի յաջորդական  5-րդն  էր:  Նախորդ մրցումներուն ան  պարտութեան մատնած էր Քարմալինները,  Ճուփիթերը, Ամշիթը եւ Քահրապան:

Շնորհիւ սոյն  յաղթանակներուն,  ՀԵԸ Անդրանիկ Սին Էլ Ֆիլ   ոչ միայն  գլխաւորեց  իր խմբակին  ընդհանուր  դասաւորումը, այլեւ անցաւ  ախոյեանութեան  «Ֆայնըլ Ֆոր»ի հանգրուանը: Չորս խումբերու  միջեւ  տեղի ունենալիք մրցումներու աւարտին,  գլխաւոր երկու դիրք գրաւող կազմերը  յառաջիկայ  մարզական տարեշրջանին պիտի մասնակցին Բ. դասակարգի ախոյեանութեան  մրցումներուն:

Ջերմապէս  կը  շնորհաւորենք ՀԵԸ Անդրանիկ  Սին  Էլ ֆիլի  պատասխանատուները,  մարզչական կազմը եւ  մարզիկները, մաղթելով նորանոր  նուաճումներ:

LEAVE A REPLY

Please enter your comment!
Please enter your name here