«Ֆորպզ»ը «Տաշիր» Ընկերութիւնը Ներառած Է Ռուսիոյ 200 Ամենամեծ Անձնական Ընկերութիւններու Ցանկին Մէջ

0
223

Ամերիկեան «Ֆորպզ» (Forbes) յայտնի թերթը հրապարակած է Ռուսիոյ 200 ամենամեծ անձնական ընկերութիւններու ցանկը, որուն մէջ յայտնուած է նաեւ ռուսիաբնակ հայազգի գործարար Սամուէլ Կարապետեանին պատկանող «Տաշիր» ընկերութիւնը:

Ըստ «Արմէնփրէս»ի՝ «Տաշիր» ընկերութիւնը Ռուսիոյ 200 ամենամեծ անձնական ընկերութիւններու ցանկին մէջ 48րդն է:

Թերթը կը տեղեկացնէ, թէ «Տաշիր» ընկերութիւններու խումբի հասոյթը 2018ին կազմած է 164 միլիառ ռուբլի: Ընկերութիւնը ունի 45,000 աշխատող:

«Ֆորպզ»ի վարկածով Ռուսիոյ ամենամեծ անձնական ընկերութիւնը «Լուքոյլ»ն է, երկրորդը՝ X5 Retail Group-ը, երրորդը՝ «Սուրկութնեֆթեկազ»ը:

LEAVE A REPLY

Please enter your comment!
Please enter your name here