Ազգային Ժողովի Այգիին Դարպասները Բացուեցան Քաղաքացիներու Առաջ

0
335

Ազգային ժողովի այգիի դարպասները բացուեցան այցելուներու համար: Ըստ «Արմէնփրէս»ի՝ 3 Հոկտեմբերին, Կէսօրէն ետք ժամը 1էն սկսեալ, քաղաքացիները անարգել մուտք կը գործեն Ազգայի ժողովի բակը:

«Կ՛անցնէինք այս տարածքէն, տեսանք, որ դարպասները բաց են, սիրով ներս մտանք: Կ՛ուզէինք տեսնել, թէ մեր պաշտօնեաները ինչպէս կ՛աշխատին այս շէնքին մէջ, որ կառուցուած է ժողովուրդին կողմէ: Այստեղ կը լուծուին ազգի հարցերը. մենք կ՛ուզէինք տեսնել, թէ յատկապէս յեղափոխութենէն ետք անոնք ինչպէս կը համաձայնեցնեն հարցերու լուծումները ժողովուրդին հետ», ըսաւ քաղաքացի Ռիթա Դաւթեան:

Ան նաեւ յայտնեց, թէ յոյս ունի, որ Ազգային ժողովի բակին մէջ պիտի հանդիպի պատգամաւորներու եւ անոնց հետ անձամբ պիտի քննարկէ կարգ մը հարցեր: Իսկ տարածքի ուժեղացուած հսկողութիւնը նոյնիսկ անտեղի համարեց:

Ազգային ժողովի դարպասները այցելուներու համար բաց պիտի ըլլան առաւօտեան ժամը 10էն երեկոյեան ժամը 10ը:

Ազգային ժողովի դռները բացուեցան վարչապետ Նիկոլ Փաշինեանի հնչեցուցած կոչէն ետք:

LEAVE A REPLY

Please enter your comment!
Please enter your name here