«Կալոփ» Միջազգային Հետազօտական Կեդրոնի Հարցախոյզին Համաձայն՝ ժողովուրդին 89 Տոկոսը Դրական Կը Նկատէ Փաշինեանի Գործունէութիւնը

0
239

Հայաստանի մէջ կատարուած հարցախոյզի մը ընթաքին, «Կալոփ» միջազգային հետազօտական կեդրոնի հարցումներուն պատասխանող քաղաքացիներուն 89 տոկոսը դրական նկատած է Հայաստանի վարչապետ Նիկոլ Փաշինեանի գործունէութիւնը, իսկ նախկին վարչապետ Կարէն Կարապետեանի առաւելագույն ցուցանիշը եղած է 85.2 տոկոս:

Նշենք, որ «Կալոփ»ը հարցախոյզը իրականացուցած է 2018ի 3էն 11 Սեպտեմբերի միջեւ:

«Կալոփ»ի Հայաստանի գրասենեակի տնօրէն Արամ Նաւասարդեան լրագրողներու հետ զրոյցի մը ընթացքին յայտնեց, որ պատասխանողները եղած են 18 տարեկանէն վեր. հարցախոյզին մասնակցած են 1106 անձեր, իսկ սխալի հաւանականութիւնը 3 տոկոս է:

«Վարչապետ Նիկոլ Փաշինեանի 100 օրերու գործելաոճի գնահատականը, ընդհանուր առմամբ, դրական է: Նախկին վարչապետ Կարէն Կարապետեանի բարձրագոյն ցուցանիշը, մեր հարցումներով, եղած է 85.2%: Ժողովուրդին 24.4%ը Ազգային ժողովի գործունէութիւնը գնահատած է լաւ, իսկ Հայաստանի նախագահին գործունէութիւնը լաւ նկատած է 76.0%ը:

«Հարցումներու պատասխանող քաղաքացիներուն 21.4 տոկոսը նշած է, որ բոլորովին բաւարարուած է իր կեանքով, բաւական բաւարարուած է 46.3 տոկոսը, քիչ բաւարարուած է 17.9 տոկոսը եւ 14 տոկոսը ընդհանրապէս բաւարարուած չէ: Նոյեմբեր 2017ին, բոլորովին բաւարարուած եղած էր 15.5 տոկոսը, այսինքն՝ այս տարի արձանագրուած է 5.9 տոկոսի աճ: Երկրին ներկայ տնտեսական վիճակին վերաբերեալ կարծիքը զգալիօրէն կը տարբերի անցեալ տարուան Նոյեմբերին կատարուած հարցախոյզէն (լաւ գնահատած է 46.7 տոկոսը, որ 20.4 տոկոսով աւելի է, քան 2017ի Նոյեմբերինը: 13.5 տոկոսը կը կարծէ, որ մէկ տարի ետք կը սկսի զգալիօրէն աւելի լաւ ապրիլ, քան ներկայիս, իսկ 47.5 տոկոսը՝ որոշ չափով լաւ: Ըստ 3.4 մէկ տարի ետք իրենք պիտի ապրին զգալիօրէն աւելի վատ», յայտնեց Արամ Նաւասարդեան:

LEAVE A REPLY

Please enter your comment!
Please enter your name here