Հայաստանի Եւ Իրանի Մաքսային Մարմինները Կը Դիւրացնեն Երկկողմ Առեւտուրը

0
199

Հայաստանի կառավարութիւնը հաւանութիւն տուաւ Պետական եկամուտներու կոմիտէի եւ Իրանի մաքսային վարչութեան միջեւ փոխադրամիջոցներու եւ ապրանքներու միջազգային փոխադրութիւններու վերաբերեալ նախնական ելեկտրոնային տուեալներու փոխանակման մասին արձանագրութիւնը հաստատելու մասին Հայաստանի նախագահի հրամանագիրին:

«Արմէնփրէս»ը կը հաղորդէ, որ, ըստ հիմնաւորման, արձանագրութեան հաստատումով հիմքեր կը ստեղծուին Հայաստանի եւ Իրանի մաքսային ծառայութիւններուն կողմէ մաքսային բնագաւառէն ներս իրականացուող համագործակցութեան ընդլայնման եւ խորացման համար: Արձանագրութիւնը կը նախատեսէ փոխադրամիջոցներու եւ ապրանքներու մաքսային ընթացակարգերու իրականացման ընթացքին, ելեկտրոնային տուեալներու մշակում եւ նախնական փոխանակում: Հայաստանի մաքսային ծառայութեան համար, սոյն արձանագրութեան հաստատումը կարեւոր կը համարուի նաեւ երկկողմ առեւտուրի անվտանգութեան պահպանման եւ օրինական առեւտուրի դիւրացման ծիրին մէջ:

«Վերոյիշեալ փաստաթուղթին հաստատումով, առաւել պիտի ամրապնդուի կապը երկու երկիրներու համապատասխան ստորաբաժանումներուն միջեւ, որ իր դրական ազդեցութիւնը պիտի ունենայ Իրանէն Հայաստան ներածման եւ Հայաստանէն Իրան արտածման ընթացքին մաքսային կանոններու խախտման դէպքերու բացայայտման, յայտնաբերուած հարցերու պարագային՝ առաւել արագ եւ գործնական լուծման վրայ», ըսուած է հիմնաւորման մէջ:

LEAVE A REPLY

Please enter your comment!
Please enter your name here