Ֆելիքս Ցոլակեան Կը Նշանակուի Արտակարգ Իրավիճակներու Նախարար

0
205

ԵՐԵՒԱն.- Հայաստանի Ազգային ժողովի պատգամաւոր Ֆելիքս Ցոլակեան Հայաստանի արտակարգ իրավիճակներու նախարարի պաշտօնը ստանձնելու առաջարկ ստացած է: «Արմէնփրէս»ի հետ զրոյցի մը ընթացքին Ցոլակեան յայտնեց, որ ընդունած է առաջարկը:

«Այո, ստացայ նման առաջարկ մը եւ զայն ընդունեցի», ըսաւ Ցոլակեան՝ աւելցուցնելով, որ առաջարկը ստացած է երէկ, վարչապետ Նիկոլ Փաշինեանէն:

Ֆելիքս Ցոլակեան 2 Ապրիլ 2017ին, Ազգային ժողովի պատգամաւոր ընտրուեցաւ ՀՀԿ թիւ 11 ընտրատարածքի տարածքային ընտրական ցուցակով: Այս տարուան Յունիսին, Ցոլակեան Ազգային ժողովի ՀՀԿ խմբակցութենէն դուրս գալու յայտ ներկայացուց:

Ֆելիքս Ցոլակեան ծնած է 27 Յունուար 1952ին, Շիրակի մարզի (նախապէս՝ Անիի շրջան) Ներքին Ջրափի գիւղը:

1974ին աւարտած է Երեւանի Պետական համալսարանի պատմութեան հիմարկը:

1974-1976 եղած է Արարատի ճարտարաուեստի-արհեստագիտական ուսումնարանի ուսուցիչ: 1976-1980՝ ՀԼԿԵՄ Արարատի շրջկոմի քարտուղար եւ 2րդ քարտուղար, 1980-1985՝ ՊԱԿի Գորիսի բաժանմունքի օպերլիազօր եւ աւագ օպերլիազօր, 1985-1991՝ Եղէգնաձորի բաժանմունքի պետ:

1991-1992 եղած է Եղէգնաձորի շրջանի խորհուրդի գործկոմի նախագահի տեղակալ, 1993-1996՝ Ազգային անվտանգութեան Մասիսի բաժանմունքի պետ, 1996-1997՝ Շիրակի մարզային վարչութեան պետ, 1997-1999՝ Երեւանի քաղաքային վարչութեան պետ, 1999-2002՝ Հայաստանի նախագահի վերահսկողութեան ծառայութեան ղեկավար, 2002-2003՝ նախագահի աշխատակազմի վերահսկողութեան ծառայութեան ղեկավար, 2003-2007՝ Հայաստանի կառավարութեանն առընթեր հարկային պետական ծառայութեան պետ, 2007՝ նախագահի խորհրդական, 2007-2013՝ կառավարութեանն առընթեր Ազգային անվտանգութեան ծառայութեան տնօրէնի տեղակալ: Իսկ 2013-2016՝ ան եղած է Շիրակի մարզպետ եւ 2016-2017՝ նախագահի վերահսկողական ծառայութեան ղեկավար:

LEAVE A REPLY

Please enter your comment!
Please enter your name here