Ատրպէյճան Արցախի Մասին Յայտարարութիւն Կը Տարածէ

0
234

ԵՐԵՒԱՆ, «Ազատութիւն».- 15 Հոկտեմբերին, Ատրպէյճանի արտաքին գործոց նախարարութիւնը յատուկ յայտարարութիւն մը տարածեց Արցախի հակամարտութեան վերաբերեալ՝ յոյս յայտնելով, որ արտահերթ խորհրդարանական ընտրութիւններէն ետք Հայաստանի նոր ղեկավարութիւնը «կը հասկնայ Ատրպէյճանի գրաւեալ տարածքներէն զօրքերը հեռացնելու անհրաժեշտութիւնը»՝ պնդելով, որ Հայաստանի կայուն զարգացման համար այլ ճանապարհ գոյութիւն չունի։

Այս յայտարարութեամբ, ըստ «Ինթըրֆաքս»ի, Ատրպէյճանի դիւանագիտական գերատեսչութիւնը պատասխանած է Ֆրանսախօսութեան կազմակերպութեան 17րդ համաժողովին ընդունուած բանաձեւին, որուն մէջ անդրադարձ կար նաեւ Արցախի հակամարտութեան:

«Հայաստան պէտք է վերջ դնէ միջազգային հանրութեան ստելու իր ապարդիւն քայլերուն, իրականացնէ ՄԱԿի Ապահովութեան համապատասխան բանաձեւերով եւ Հելսինքեան եզրափակիչ յայտարարութեամբ ստանձնած պարտաւորութիւնները՝ դուրս բերելով զօրքը Ատրպէյճանի գրաւեալ տարածքներէն», կը յայտարարէ Պաքու:

LEAVE A REPLY

Please enter your comment!
Please enter your name here