Մամետեարով Դրական Ազդակներ Կը Տեսնէ Արցախի Բանակցութեանց Վերջին Զարգացումներուն ՄԷջ

0
420

ՊԱՔՈՒ, «Armenia.az».- Հայ-ատրպէյճանական հակամարտութիւնը կը հանդիսանայ տարածաշրջանի կայուն զարգացման դէմ կեցող կարեւորագոյն հարցերէն մէկը, 16 Հոկտեմբերին պնդեց Ատրպէյճանի արտաքին գործոց նախարար Էլմար Մամետեարով, Լիւքսեմպուրկի մէջ տեղի ունեցող՝ Եւրոմիութեան Արեւելեան գործընկերութեան արտաքին գործոց նախարարներու հաւաքին առջեւ իր ելոյթին ընթացքին։

«Հայ պաշտօնակիցիս հետ իմ երկու հանդիպումները եւ Ատրպէյճանի հանրապետութեան նախագահին եւ Հայաստանի վարչապետին միջեւ զրոյցը դրական ազդակներ են՝ յառաջ շարժելու մեր կարելիութիւններուն համար», յայտարարեց նախարարը:

Մամետեարով նշեց, որ Հայաստանի մէջ յառաջիկայ ընտրութիւններէն ետք յստակ պիտի դառնայ, թէ որքանով այդ երկիրը պատրաստ է խաղաղութեան եւ կայունութեան, որոնց համար նախ Հայաստան պէտք է «ատրպէյճանական տարածքներէն իր զօրքերը դուրս բերէ»:

«Ատրպէյճան բազմիցս յայտարարած է, որ պատրաստ է արդիւնաւէտ բանակցութիւններու», ընդգծեց Մամետեարով:

LEAVE A REPLY

Please enter your comment!
Please enter your name here