ՏԱՂ ԱՌ ՄԱՆԿՈՒԹԻՒՆ

0
470

Օ՜ մանկութիւն`

Հէքեաթային եօթ հաւքին պէս

Թռչկոտումով մ՛այնպէ՜ս անցար՝

Եօթ սարերու  կանաչին մէջ

Մանկասոխակ երգդ մնաց …

 

Ածուներու դալարքին մէջ

Այնպէս հեշտի՜ւ եկար անցար՝

Ջրթողներու կարկաչին մէջ

Պտուտքներուդ հեւքը մնաց …

 

Ու դեռ ոտքիդ շուշան կապած

Այնպէս անմե՜ղ եկար անցար՝

Վերադարձը Աստուածորդւոյն

Քու ճերմակիդ խոստում մնաց …

 

Ու դուն անցար … Արքավայել

Փալփլումով մ՛այնպէ՜ս անցար՝

Թագաւորի թագին վրայ

Մանկութիւնդ սուտակ մնաց …

Գրող՝ ճարտարագէտ  Թադէոս Եսայեան

Պատկերի  ձեւաւորում՝ Շաքէ Մանկասարեան

LEAVE A REPLY

Please enter your comment!
Please enter your name here