Հայաստանի Եւ Ատրպէյճանի Միջեւ Ստեղծուած Գործնական Կապը Հաստատուած է. Աննա Նաղտալեան

0
299

Հայաստանի եւ Ատրպէյճանի միջեւ գործնական կապը հաստատուած է: Այս մասին Երեքշաբթի, 23 Հոկտեմբերին, լրագրողներու յայտնեց Հայստանի արտաքին գործոց նախարարի մամլոյ խօսնակ Աննա Նաղտալեան՝ աւելցնելով, որ այդ գործնական կապը ուղղուած է խաղաղութեան նպաստող մթնոլորտի ամրապնդման ու ձեւաւորման:

Հարցումին, թէ արդեօք նախորդ օրը Պաշտպանութեան բանակի հարաւ-արեւելեան ուղղութեամբ հակառակորդի կրակոցէն ժամկէտային զինծառայողի վիրաւորուելու դէպքին վերաբերեալ կիրառուա՞ծ է գործնական կապը՝ Նաղտալեան պատասխանեց. «Կապը հաստատուած է ոչ թէ հանրային յայտարարութեան համար. անիկա իսկապէս գործող կապ է»:

Յիշեցնենք, որ Հայաստանի եւ Ատրպէյճանի միջեւ ստեղծուած գործնական կապի հաստատման մասին յայտարարած էր վարչապետի պաշտօնակատար Նիկոլ Փաշինեան:

LEAVE A REPLY

Please enter your comment!
Please enter your name here