ՀԱՆԴԻՊՈՒՄ՝ ՀԱՅԱՍՏԱՆԻ ՀԱՆՐԱՊԵՏՈՒԹԵԱՆ ՎԱՐՉԱՊԵՏԻ ՊԱՇՏՕՆԱԿԱՏԱՐ ՆԻԿՈԼ ՓԱՇԻՆԵԱՆԻ ԵՒ ԻՐԵՆ ԸՆԿԵՐԱՑՈՂ ՊԱՏՈՒԻՐԱԿՈՒԹԵԱՆ ՀԵՏ

0
325

Հայկական Բարեգործական Ընդհանուր Միութիւնը եւ Հայ Երիտասարդաց Ընկերակցութիւնը ներկայացնող պատուիրակութիւն մը, գլխաւորութեամբ Շրջանակային Յանձնաժողովի ատենապետ Տիար Ժէրար Թիւֆէնքճեանի, հանդիպում մը ունեցաւ վերջերս Լիբանան այցելող Հայաստանի Հանրապետութեան վարչապետի պաշտօնակատար Տիար Նիկոլ Փաշինեանի եւ իրեն ընկերացող պատուիրակութեան հետ, կիրակի, 21 հոկտեմբեր 2018-ին, կէսօրէ ետք ժամը 3.15 –ին, Միութեանս Ատենապետին կողմէ կազմակերպուած կէսօրուայ հրաւէրի ընթացքին: Ջերմ հանդիպումը լաւ առիթ եղաւ, որպէսզի կողմեր ծանօթանան իրարու, ուր ՀԲԸՄ-ի ատենապետն ու Հայաստանի պաշտօնակատարը մօտէն քննարկեցին ազգային եւ գաղութային ընթացիկ հարցեր:

Հայաստանի պատուիրակութեան մէջ էին՝ Հ.Հանրապետութեան Արտաքին Գործոց նախարար Տիար Զօհրապ Մնացականեան, Վարչապետի խորհրդականներ, Լիբանանի մէջ Հայաստանի Դեսպան՝ Տիար Սամուէլ Մկրտչեան: Իսկ ՀԲԸՄ-ի պատուիրակութեան մէջ՝ Շրջանակային Յանձնաժողովէն, ինչպէս նաեւ Միութեան Կառոյցներէն ու ՀԵԸ-ի Կեդրոնական Վարչութենէն պատասխանատու անձինք:

ՀԲԸՄ «ԽՕՍՆԱԿ» ԼՐԱՏՈՒ

LEAVE A REPLY

Please enter your comment!
Please enter your name here