Լիխթընշթայն-Հայաստան՝ 2-2

0
2587

ՖԱՏԻՒՑ, Լիխթընշթայն.- Հայաստանի ֆութպոլի ազգային հաւաքականը Երկուշաբթի, 19 Նոյեմբերի երեկոյեան, 2-2 (կիսախաղ 1-1) հաւասարութիւն մը արձանագրեց հիւրընկալ Լիխթընշթայնի հետ։

Եւրոպայի ազգերու մրցաշարքի Ա. հանգրուանի իր վերջին մրցումին, Հայաստանի խումբը անակնկալ պարտութենէ մը փրկուեցաւ, երբ մրցումին 85րդ վայրկեանին Ալեքսանտր Կարապետեան գլուխով նշանակեց իր կազմին հաւասարութեան կօլը: Մրցումին հաշիւը բացաւ Սարգիս Ադամեան։

Նշենք, որ նախորդ Ուրբաթ օր, Հայաստան Ճիպրալթարի մէջ 6-2 արդիւնքով յաղթանակ մը արձանագրած էր հիւրընկալ կազմին դէմ, վրէժը լուծելով Երեւանի մէջ Ճիպրալթարի արձանագրած պատմական յաղթանակին:

Այս արդիւնքներով, Հայաստան Եւրոպայի ազգերու մրցաշարքի Դ. դասակարգի Դ. խմբակին մէջ գրաւեց 2րդ դիրքը եւ պիտի չկարենայ բարձրանալ Գ. դասակարգ։ Այդ պատիւին արժանացաւ խմբակին առաջատար Մակեդոնիան, որ իր վերջին մրցումին 4-0 արդիւնքով յաղթանակ մը արձանագրեց Ճիպրալթարի դէմ:

Աւելցնենք, որ Եւրոպայի ազգերու անդրանիկ մրցաշարքին Ա. դասակարգի մրցումներուն աւարտին, Հոլանտա, Զուիցերիա, Անգլիա եւ Փորթուկալ ապահովեցին աւարտախաղերու տոմսերը։ Կիսաւարտականները եւ աւարտականը տեղի պիտի ունենան յառաջիկայ տարուան Յունիսին։

LEAVE A REPLY

Please enter your comment!
Please enter your name here