Թրամփ Ստորագրեց Միջին Արեւելքի Փոքրամասնութեանց Աջակցելու Բանաձեւը

0
117

«ՀԱՅԵՐԸ ԽԵԼԱՑԻ ԵՒ ԱՇԽԱՏԱՍԷՐ ԺՈՂՈՎՈՒՐԴ ԵՆ». ԹՐԱՄՓ

ՈՒԱՇԻՆԿԹԸՆ, «Ամերիկայի Ձայն».- Միացեալ Նահանգներու նախագահ Տանըլտ Թրամփ ստորագրեց Քոնկրեսին կողմէ վաւերացուած այն բանաձեւը, որուն նպատակն է երաշխաւորել Իրաքի եւ Սուրիոյ քրիստոնեաներուն, եզիտիներուն եւ այլ փոքրամասնութիւններուն ամերիկեան յաւելեալ եւ ուղղակի աջակցութեանց ապահովումը։

«Այս օրէնքը շարունակութիւնն է իմ վարչակազմի աշխատանքին, որով Ամերիկայի օգնութիւնը կ՛ուղղուի հալածուող համայնքներուն», ըսաւ ան ստորագրութեան արարողութեան ընթացքին։

Ստորագրութեան արարողութեան նախորդած զրոյցներուն մէջ արտաքին գործոց նախարարութեան ներկայացուցիչը յատուկ կերպով ընդգծեց Հայաստանի ներդրումը՝ Միջին Արեւելքէն քրիստոնեայ գաղթականները ընդունելու գործին մէջ:

Արարողութեան ներկայ եղան շարք մը կրօնականներ, ներառեալ՝ Հայց. Առաքելական եկեղեցիէն Վիգէն արք. Այգազեան:

«Երբ ըսի. «Հայ եմ», նախագահը ըսաւ. «Օ՜, հայերը խելացի եւ աշխատասէր ժողովուրդ են», ըսաւ արքեպիսկոպոսը, աւելցնելով. «Այս փաստաթուղթով մեր պետութիւնը որոշեց այսուհետեւ չարտօնել, որ քրիստոնեաները տառապին»՝ շեշտելով, որ կը խօսուի մօտաւորապէս 300 միլիոն տոլարի աջակցութեան մասին:

LEAVE A REPLY

Please enter your comment!
Please enter your name here