Թուրքիա Նոր Պատնէշներ Կառուցած է Սուրիոյ Հետ Սահմանին Վրայ

0
2691

ԵՐԵՒԱՆ, «Էրմենիհապեր».- Թուրքիոյ նախագահ Ռեչեփ Թայիփ Էրտողանի Եփրատի արեւելքը ռազմական գործողութիւններ ձեռնարկելու մասին յայտարարութենէն ետք, թուրք-սուրիական սահմանին վրայ նոր աշխուժութիւն կը նկատուի:

Արդարեւ, Մարտին նահանգի Նուսայպին շրջանին մէջ, քրտական հակակշիռին տակ գտնուող Սուրիոյ Գամիշլի շրջանին սահմանակից հատուածներուն վրայ, թրքական կողմը պատնէշներ կառուցած է: Անոնք ունին 2 մեթր բարձրութիւն եւ կը գտնուին թուրք-սուրիական սահմանէն 500 մեթր հեռաւորութեան վրայ:

Էրտողանի կատարած յայտարարութեան մէջ նշուած էր, թէ Թուրքիա սահմանամերձ հատուածներու վրայ կը շարունակէ միջոցներու ձեռնարկել իր բնորոշումով՝ «ահաբեկիչներ»ու մուտքը կանխելու եւ սահմանային խիստ վերահսկողութիւն իրականացնելու ուղղութեամբ: Էրտողան նշած էր, որ քանի մը օրէն պիտի սկսին ռազմական գործողութիւններ՝ Եփրատի արեւելքը ազատագրելու համար «ահաբեկչական ուժեր»էն, նոյնիսկ եթէ Ուաշինկթըն ընդդիմանայ անոր։

LEAVE A REPLY

Please enter your comment!
Please enter your name here