Փաշինեան Փութինի Հետ Քննարկումներու Ընթացքին Միշտ Բարձրացուցած Է Ռուսիոյ Կողմէ Ատրպէյճանին Վաճառուող Զէնքերու Հարցը. Արման Եղոյեան

0
2434

ԵՐԵՒԱՆ.- Վարչապետի մամլոյ խօսնակ Արման Եղոյեան «Արմէնփրէս»ի հետ զրոյցի մը ընթացքին անդրադարձաւ Պելոռուսի նախագահ Ալեքսանտր Լուքաշենքոյի այն յայտարարութեան, թէ ինչու Նիկոլ Փաշինեան Ատրպէյճանին զէնք վաճառելու հարցը չի բարձրացներ նաեւ Ռուսիոյ։

«Անդրադառնալով պարոն Լուքաշենքոյի յայտարարութեան՝ անհրաժեշտ կը համարեմ կատարել քանի մը կարեւոր արձանագրութիւն: Դժբախտաբար, պարոն Լուքանշենքօ կը շարունակէ փակ հանդիպումներու բովանդակութիւնը հրապարակել: Դժբախտաբար, պարոն Լուքաշենքօ փակ հանդիպումէն հրապարակած է միայն ա՛յն, ինչի մասին ինք խօսած է, առանց սակայն հրապարակային դարձնելու, Հայաստանի վարչապետին պատասխանները:

Վարչապետ Նիկոլ Փաշինեան Ռուսիոյ նախագահին հետ քննարկումներուն ընթացքին միշտ, նաեւ պարոն Լուքաշենքոյի յիշատակած հանդիպումին ընթացքին մասնաւորապէս, բարձրացուցած է Ռուսիոյ կողմէ Ատրպէյճանին վաճառուող զէնքերու հարցը:

Հայաստան տրամադրուած է շարունակելու քննարկումները ՀԱՊԿի ծիրին մէջ, կազմակերպութեան անդամ երկիրներուն փոխադարձ դաշնակցային պարտաւորութիւններու ամբողջական կատարումը ապահովելու ուղղութեամբ», յայտնեց Եղոյեան:

LEAVE A REPLY

Please enter your comment!
Please enter your name here