Լիբանանի Փինկ Փոնկի Ֆետերասիոնը Պատուեց ՀԵԸ-ական Մարսէլ Պարսումեանը

0
2683

Շաբաթ,  15  Դեկտեմբեր  2018-ին,  Լիբանանի փինկ փոնկի ֆետերասիոնը,  Էտեպ ու Ռիատա ակումբին սրահին մէջ, Քըֆարշիմա, ի ներկայութիւն   Լիբանանի   Ողիմպիական  Կոմիտէի ընդհանուր  քարտուղար  Հասան  Ռըսթըմի, Լիբանանի   երիտասարդական եւ մարզական հարցերու նախարարութեան ներկայացուցիչներու, Լիբանանի  փինկ փոնկի  ֆետերասիոնի  նախագահ Սելիմ Հաժ  Նիքոլայի եւ անդամներու,  ՀԵԸ-ի Կեդրոնական Վարչութեան ատենապետ Վիգէն Չերչեանի եւ փոխատենապետ՝  Համբար Եսայեանի,  պաշտօնական  հիւրերու, մարզասէրներու,  հանդիսաւորապէս պատուեց նախկին մարզիչ  ՀԵԸ-ական Մարսէլ Պարսումեանը՝ փինկ փոնկի  մարզաձեւին մէջ անոր երկարամեայ  ծառայութիւններուն համար:  Մարսէլ Պարսումեան  միաժամանակ  եղած է ՀԵԸ-ի  փինկ փոնկի  կազմերուն ներկայ մազիչ Սահակ Պիտինեանի  մարզիչը:

Այս  առիթով  Լիբանանի  Փինկ  փոնկի ֆետերասիոնի  նախագահը եւ  ՀԵԸ-ի Կեդրոնական Վարչութեան ատենապետ  Վիգէն Չերչեան յատուկ յուշանուէր մը  յանձնեցին  Մարսէլ Պարսումեանին:

Հանդիսութեան  ընթացքին  փինկ փոնկի  ֆետերասիոնը պատուեց  2018  մարզական տարեշրջանի  Լիբանանի փինկ  փոնկի  տարբեր կարգերու   մէջ տիտղոս  շահող  մարզիկները:

ՀԵԸ-ականներ Նինա  Մարգարեան՝   21  տարեկանէն վար  Լիբանանի ախոյեանուհի  եւ   Ռոք Ատէլ  Հաքիմ,  Լիբանանի  փինկ փոնկի  բաժակակիր,  ստացան  ֆետերսիոնին  կողմէ պատրաստուած  վկայականներ: Իսկ ՀԵԸ-ական Աննա Մարգարեան  ստացաւ  յատուկ  հաստատագիր մը:

Ջերմապէս կը  շնորհաւորենք  տիար    Մարսէլ   Պարսումեանը եւ  նորանոր յաջողութիւններ  կը մաղթենք մեր  մարզիկներուն:

ՀԵԸ-Ի ՄԱՄԼՈՅ ԵՒ ՏԵՂԵԿԱՏՈՒԱԿԱՆ ԳՐԱՍԵՆԵԱԿ

LEAVE A REPLY

Please enter your comment!
Please enter your name here