Շնորհաւորական Նամակ` Սփիւռքի Նախարարի Պաշտօնակատարէն

0
704

ՀԲԸՄ-ՀԵԸ-Ի ՄԱՄԼՈՅ  ԳՐԱՍԵՆԵԱԿԻ  ՊԱՏԱՍԽԱՆԱՏՈՒ,

ԵՐԵԲՈՒՆԻ  ԼՐԱՏՈՒԱԿԱՆ ԿԱՅՔԻ   ԽՄԲԱԳԻՐ ԱՀԱՐՈՆ ՇԽՐՏԸՄԵԱՆԻՆ

Ջերմօրէն շնորհաւորում ենք Սուրբ Ծննդեան եւ Ամանորի տօների առթիւ եւ մաղթում, որ 2019 թուականը լինի սիրոյ, միասնութեան, ձեռքբերումների եւ յաղթանակների տարի:

2018 թուականը յատկանշական էր հայ ժողովրդի պատմութեան մէջ թաւշեայ, ոչ բռնի յեղափոխութեան իրագործումով, որը, վստահ եմ, նոր էջ բացեց աշխարհասփիւռ հայութեան կեանքում: Այն պատմական հնարաւորութիւն է նորովի վերանայելու, արժեւորելու եւ հզօրացնելու սփիւռքի հետ յարաբերութիւնները:

Անցնող տարին կարեւոր էր իւրաքանչիւրիս կեանքում: Այն մեզ նոր յոյս, միաժամանակ վճռականութիւն ու ինքնավստահութիւն տուեց` հաւատալու, որ մենք կարող ենք փոխել մեր ներկան, ստեղծել նոր իրականութիւն, պաշտպանել մեզ ու մեր երկիրը, աշխարհի որ ծայրում էլ որ լինենք:

Տարին ամփոփուեց Ազգային ժողովի արդար, ժողովրդի կամքն արտայայտող ընտրութիւններով, որով ՀՀ քաղաքացին վերստին համոզուեց, որ ինքն ի զօրու է արժանապատուօրէն կառուցելու իր կեանքը:

Նոր տարին թո՛ղ դառնայ իղձերի եւ յոյսերի իրականացման, հայրենիք-սփիւռք գործակցութեան առաւել սերտացման եւ համախմբման տարի` յանուն Նոր Հայաստանի, Արցախի ու սփիւռքի հզօրացման:

Պաշտօնակատար
ՄԽԻԹԱՐ ՀԱՅՐԱՊԵՏԵԱՆ

LEAVE A REPLY

Please enter your comment!
Please enter your name here