Հայաստանի Մէջ Մետաղային Նիւթերու Արտադրութիւնը Կրճատուած Է 22,6 Տոկոսով

0
312

ԵՐԵՒԱՆ, «Նիուզ».- Հայաստանի մետաղային նիւթերու արտադրութեան ծաւալը 2018-ի 11 ամիսներուն ընթացքին կրճատուած է 22,6 տոկոսով: Համեմատութեան համար նշենք, որ 2017-ի նոյն 11 ամիսներուն ընթացքին այս ոլորտին մէջ արձանագրուած էր 11,4 տոկոսի աճ:

Ազգային վիճակագրութեան վարչութեան տուեալներուն համաձայն՝ 2018-ի 11 ամիսներուն, ֆերոմոլիպտենի արտադրութիւնը աճած է 7,6 տոկոսով եւ կազմած է 6563 թոն: Միայն Նոյեմբեր ամսուն արտադրուած է 819 թոն ֆերոմոլիպտեն, որ 8 տոկոսով աւելի է Հոկտեմբերի ցուցանիշէն:

Խտացուած մոլիպտենի արտադրութիւնը 2018-ի Յունուարէն Նոյեմբեր ամիսներուն աւելցած է 0,8 տոկոսով. Նոյեմբերին արձանագրուած է 14,2 տոկոսի անկում:

Սեւ պղինձի արտադրութիւնը այդ ժամանակահատուածին կր-ճատուած է 18,5 տոկոսով՝ հասնելով 8831 թոնի: Խտացուած պղինձի արտադրութիւնը կրճատուած է 25,9 տոկոսով, իսկ միայն Նոյեմբերին՝ 35,1 տոկոսով:

Ալիւմինէ փայլաթիթեղի արտադրութիւնը անցեալ տարուան առաջին 11 ամիսներուն ընթացքին նուազած է 12 տոկոսով՝ կազմելով 26,714 թոն, իսկ միայն Նոյեմբերին նուազումը եղած է 8,9 տոկոս:

Պողպատէ խողովակներու արտադրութիւնը կրճատուած է 1,9 տոկոսով, իսկ Նոյեմբերին՝ 12,1 տոկոսով: Խտացուած զինկի արտադրութիւնը աւելցած է 18,2 տոկոսով, իսկ միայն Նոյեմբերին արձանագրուած է 68,5 տոկոսի անկում:

LEAVE A REPLY

Please enter your comment!
Please enter your name here