Այցելութիւն՝Լիբանանի մէջ Հայաստանի Հանրապետութեան դեսպանին

0
310

Հինգշաբթի 10, Յունուար 2019-ին, Դոկտ.Հրայր Ճէպէճեան՝ Աստուածաշունչի Ընկերութեան Արաբական Ծոցի տարածաշրջանի ընդհանուր քարտուղարը՝ այցելութիւն մը տուաւ Լիբանանի մէջ Հայաստանի Հանրապետութեան նորանշանակ դեսպան՝Ն.Վ. Պրն Վահագն Աթաբեկեանին։ Դոկտ. Ճէպէճեան շնորհաւորեց Պրն. Դեսպանը իր նշանակումին առիթով։ Ան ամփոփ գիծերու մէջ ներկայացուց Աստուածաշունչի Ընկերութիւններու տարած աշխատանքը,  անոր միջազգային կառոյցը։ Ապա  Դոկտ. Ճէպէճեան   Պրն.Դեսպանին   նուիրեց իր նոր գիրքը՝ «Սփիւռքահայ Կեանքեր՝ Ինչպէս որ Տեսայ» եւ խօսեցաւ վերջերս Երեւանի մէջ կայացած շնորհահանդէսին մասին։

Պրն.Աթաբեկեան ըսաւ թէ ան արդէն իմացած էր Դոկտ.Ճէպէճեանի աշխատանքներուն մասին, նաեւ   Հայաստանի մէջ Աստուածաշունչի Ընկերութիւններու տարած գործունէութեան։ Պրն. Դեսպանը բարձր գնահատեց  աշխատանքները։ Դոկտ. Ճէպէճեան շնորհակալութիւն յայտնեց Պրն. Դեսպանին եւ յաջողութիւն մաղթեց անոր՝ հաստատելով շարունակելու իր գործակցութիւնը եւ նեցուկը դեսպանատան տարբեր գործունէութիւններուն։

Հանդիպումին ներկայ  կը գտնուէր   Դեսպանատան միջազգային յարաբերութեանց պատասխանատու եւ մշակութային կցորդ՝ Դոկտ. Վլատիմիր Պօղոսեանը

LEAVE A REPLY

Please enter your comment!
Please enter your name here