ՀԵԸ ԱՆԴՐԱՆԻԿ ՇԱՀԵՑԱՒ ՊԷՅՐՈՒԹԻ ՖՈՒԹՊՈԼԻ ԲԱԺԱԿԸ

0
801

ՀԵԸ  Անդրանիկ  ֆութպոլի խումբը  շահեցաւ  2018-2019 մարզական  տարեշրջանի   Լիբանանի ֆութպոլի  Պէյրութի  բաժակը: Աւարտական  մրցումին,  ՀԵԸ  Անդրանիկ՝ 3-0 արդիւնքով  պարտութեան  մատնեց  Աթլեթիքօն:

Լիբանանի ֆութպոլի  ֆետերասիոնին  հովանաւորութեամբ  կազմակերպուած սոյն մրցաշարքը  կը  միտի  աշխոյժ   պահել ֆութպոլը  եւ ֆութպոլի  ակումբները:

Աւարտական  մրցումը տեղի ունեցաւ  Լիբանանի ֆութպոլի ֆետերասիոնի  Պէյրութի   ենթաշրջանի  պատասխանատու  Ասաատ  Սապլինի,  ֆետերասիոնի այլ  անդամներու,  ՀԲԸՄ- ՀԵԸ-ի ֆութպոլի  պատասխանատուներու եւ  մեծ թիւով  մարզասէրներու ներկայութեան, Նըժմէի   մարզադաշտին մէջ:

Հակառակ անբարենպաստ  եղանակին, ՀԵԸ Անդրանիկի  տղաքը  յաջողեցան տպաւորիչ  խաղով  պարտութեան մատնել իրենց մրցակիցը:

Աւանդութիւններով   հարուստ  ՀԵԸ Անդրանիկը  կը  նկատուի  լիբանանեան ֆութպոլի  լաւագոյն ներկայացուցիչներէն:   Լիբանանի  Դ. Դասակարգի  ֆութպոլի ախոյեանութիւնը  սկզբունքով պիտի սկսի  յառաջիկայ  շաբաթավերջին:

ՀԵԸ-ի  Կեդրոնական  Վարչութեան  եւ   համայն   միութենականներուն  անունով  ջերմապէս կը  շնորհաւորենք ՀԵԸ-ի մարզական հարցերու   ընդհանուր  պատասխանատու  Պօղոս Վանլեանը,  ՀԵԸ  Անդրանիկ  ֆութպոլի կազմը,   մարզիչ  ժորԺ Ապտօն, ֆութպոլի  վարչական պատասխանատու Վահէ Հաքիմեանը, ՀԵԸ Անդրանիկի ֆութպոլի բոլոր պատասխանատուները եւ  համակիները այս  փայլուն  յաղթանակին առիթով:

ՀԵԸ-ի ՄԱՄԼՈՅ  ԵՒ ՏԵՂԵԿԱՏՈՒԱԿԱՆ ԳՐԱՍԵՆԵԱԿ

LEAVE A REPLY

Please enter your comment!
Please enter your name here