Չաւուշօղլու Արցախի Տագնապին Լուծումը Կը Շարունակէ Հայ-Թրքական Յարաբերութիւններուն Նախապայման Համարել

0
85

ԵՐԵՒԱՆ, «Էրմենիհապեր».- Թուրքիոյ արտաքին գործոց նախարար Մեւլութ Չաւուշօղլու դարձեալ անդրադարձաւ Արցախի հիմնահարցին եւ Հայաստան-Թուրքիա յարաբերութեանց, կը հաղորդէ «Հապերլեր» լրատուական կայքը։

Անթալիոյ մէջ, մասնակցելով ուսանողներու հետ հանդիպումի մը՝ Չաւուշօղլու խօսեցաւ թուրք-ամերիկեան յարաբերութիւններուն, ահաբեկչութեան դէմ պայքարին, ինչպէս նաեւ Կովկասի մէջ տիրող իրավիճակին մասին:

«Գոյութիւն ունեցող որոշ հարցերու կարգաւորման համար պէտք է նախաձեռնող ըլլալ: Բաւարար չէ միայն սեփական շահերը պաշտպանելը: Այսօր, երբ Ղարաբաղի հարցը լուծուած չէ, կարելի չէ կայունութիւն հաստատել Կովկասի մէջ եւ ոչ ալ կարգաւորել Հայաստանի եւ Թուրքիոյ միջեւ յարաբերութիւնները: 2019-ին այս հարցերուն մէջ աւելի հետեւողական պիտի ըլլանք», ըսաւ Թուրքիոյ արտաքին գործոց նախարարը:

Չաւուշօղլու այնուհետեւ մեղադրեց հայկական լոպին՝ «սեւ քարոզչութիւն» իրականացնելու յանցանքով:

 

LEAVE A REPLY

Please enter your comment!
Please enter your name here