ԿԱՐՕ ՓԱՅԼԱՆԻ ՀԱՆԴԻՊՈՒՄԸ ԼԻԲԱՆԱՆԱՀԱՅ ՄԱՄՈՒԼԻ ՆԵՐԿԱՅԱՑՈՒՑԻՉՆԵՐՈՒ ՀԵՏ

0
312

Լիբանան կատարած այցելութեան  ծիրին  մէջ,  Շաբաթ, 26  Յունուար 2019-ին,  Թուրքիոյ  խորհրդարանի  եւ  Ժողովուրդներու  Դեմոկրատական  կուսակցութեան  անդամ,  հայազգի  Կարօ  Փայլան հանդիպում մը ունեցաւ  լիբանանահայ մամուլի ներկայացուցիչներու  հետ,  Հայկազեան  համալսարանի մէջ:

Կարօ  Փայլան   ներկայացուց  Թուրքիոյ  իրավիճակը՝ ներքին եւ արտաքին զարգացումներու  լոյսին տակ, կեդրոնանալով  Թուրքիոյ հայութեան  եւ  փոքրամասնութիւններուն սպառնացող վտանգներուն, Հայոց Ցեղասպանութեան  ճանաչման աշխատանքներուն, հայ-թրքական յարաբերութիւններուն, Արցախի հարցին զարգացումներուն:

Փայլան շեշտեց, թէ  Թուրլքիա  կը խուսափի առերեսուելու իր անցեալին  հետ: Անոր կարծիքով, Թուրքիոյ մէջ  ժողովրդավարութեան ամրապանդումը հիմք կրնայ  ծառայել արդարութեան  հաստատման եւ  բազմաթիւ  անլոյծ   հարցերու  լուծման:

Ապա տեղի ունեցաւ միտքերու  փոխանակում, որուն  ընթացքին Կարօ Փայլան յաւելեալ տեղեկութիւններ  եւ լուսաբանութիւններ տուաւ լիբանանահայ  մամուլի    ներկայացուցիչներու  հարցումներուն:

 

LEAVE A REPLY

Please enter your comment!
Please enter your name here