ՀԵԸ ԱՆԴՐԱՆԻԿ ԱՆԹԻԼԻԱՍ ԱՌԱՋԻՆ ԴԻՐՔԸ ԳՐԱՒԵՑ ԹԵՔՈՒԱՆՏՈՅԻ ԼԻԲԱՆԱՆԻ ԿԱՐՄԻՐ ԳՕՏԻՆԵՐՈՒ ԱԽՈՅԵԱՆՈՒԹԵԱՆ ՄՐՑՈՒՄՆԵՐՈՒՆ

0
2470

Լիբանանի Թեքուանտոյի  ֆետերասիոնին կազմակերպութեամբ եւ  Creditbank SAL-ի  հովանաւորութեամբ,  Կիրակի, 27 Յունուար  2019-ին, Մոն  Լա Սալի մէջ  տեղի ունեցաւ  թեքուանտոյի կարմիր  գօտիներու, տարբեր կարգերու (տղոց եւ աղջկանց)  Լիբանանի  ախոյեանութիւնը:

Լիբանանեան 35 ակումբներ  ներկայացնող  362  մարզիկներու մասնակցութեամբ, որոնց   մէջ՝  ՀԵԸ Անդրանիկ Անթիլիասի եւ Սին Էլ Ֆիլի  60 մարզիկներ եւ  Լիբանանի  թեքուանտոյի  ֆետերասիոնի անդամներուն  ներկայութեան  տեղի ունեցող   խմբային մրցումները աւարտեցան ՀԵԸ  Անդրանիկ Անթիլիասի  փայլուն  յաղթանակով:

ՀԵԸ Անդրանիկ Անթիլիաս  հաւաքեց  226  կէտ:  Անոր անմիջական մրցակիցը, երկրորդ դիրքը գրաւող  Պլեք   Իկըլը՝ 123:  Վաթսուն տարբեր  կարգի, սեռի եւ տարիքի  մրցումներուն,  22-ին  առաջնութիւնը  եւ 12-ին երկրորդութիւնը շահեցան ՀԵԸ Անդրանիկ Անթիլիասի  մարզիկները:  Շնորհիւ այս   յաղթանակներուն  ՀԵԸ-ի  52  մարզիկներ  ստացան  սեւ գօտի:

Մեր ջերմագոյն  շնորհաւորութիւնները  ՀԵԸ-ի Կեդրոնական Վարչութեան,  ՀԲԸՄ-ի Տեմիրճեան կեդրոնի տնօրէնութեան, ՀԵԸ Անդրանիկ Անթիլիասի  թեքուանտոյի    պատասխանատուներ  Կրենտ Մեսթըր  Պեսէմ   Աատի եւ   Մեսթըր՝  Գոզէթ  Պասպուսին անոնց  օգնականներուն, մրցանակակիր մարզիկներուն, անոնց   ծնողներուն եւ համայն  ՀԵԸ-ականներուն:

Այս   ուրախ առիթով, Երեքշաբթի, 29  Յունուար  2019-ին,  ՀԲԸՄ-ի  Տեմիրճեան կեդրոնին մէջ  գնահատանքի   հաւաք մը տեղի ունեցաւ  ի պատիւ ՀԵԸ  Անդրանիկ Անթիլիասի եւ  Սին  Էլ  Ֆիլի  մարզիկներուն:

 

ՀԵԸ-Ի ՄԱՄԼՈՅ ԵՒ ՏԵՂԵԿԱՏՈՒԱԿԱՆ  ԳՐԱՍԵՆԵԱԿ

LEAVE A REPLY

Please enter your comment!
Please enter your name here