Մամետիարով Չի Հասկնար Փաշինեանի Տրամաբանութիւնը

0
254

ԵՐԵՒԱՆ, «Ազատութիւն».- Պաքուն  31 Յունուարին արձագանգած է Հայաստանի վարչապետ Նիկոլ Փաշինեանին, որ մէկ օր առաջ յայտարարած էր, թէ իր կառավարութիւնը նոյնիսկ չի կրնար քննարկել «տարածքներ խաղաղութեան դիմաց» բանաձեւը:

«Փաշինեանի տրամաբանութիւնը դժուար է հասկնալ: Ինչպէս յայտնի է, ԵԱՀԿ Մինսկի խմբակի հովանիի ներքեւ կատարուող բանակցութիւններուն հիմք կը կազմեն նոյնինքն հայկական ուժերու հեռացումը Ատրպէյճանի գրաւեալ տարածքներէն։ Այդ պահանջը արտացոլուած է ՄԱԿ-ի Ապահովութեան խորհուրդի 4 բանաձեւերու մէջ, ինչպէս նաեւ հակամարտութեան կարգաւորման շուրջ միջազգային կազմակերպութիւններու կողմէ ընդունուած գրեթէ բոլոր փաստաթուղթերով: Այս պարագային հարց կը յառաջանայ, թէ արդեօ՞ք Փաշինեանի այդ յայտարարութիւնը բանակցութիւններէ հրաժարում չի՞ նշանակեր»:

Նշենք, որ վարչապետ Փաշինեան լրագրողներուն ըսած էր. «Մենք չենք կարող նոյնիսկ քննարկել «տարածքներ խաղաղութեան դիմաց» բանաձեւը: Մեր կառավարութիւնը Ղարաբաղի հարցում վարում է մի քաղաքականութիւն, որ նախկինում ոչ մի իշխանութիւն չի վարել: Որեւէ զուգահեռ տանելը եւ նախկինում վարած քաղաքականութեան հետ ընդհանրութիւն գտնելու փորձերը կատարեալ մոլորութիւն են»:

LEAVE A REPLY

Please enter your comment!
Please enter your name here