Հայաստան 2019թ.-ի Լաւագոյն Պիւտճէտային Զբօսաշրջային Եւրոպական Ուղղութիւններու Առաջին Տեղը Կը ԳրաւԷ

0
342

Հայաստան 2019թ.-ին առաջարկուող պիւտճէտային ու յարմարաւէտ եւրոպական ճամբորդական ուղղութիւններու ցանկին մէջ է: 7 երկիրներէ Երեւանը առաջին տեղը կը գրաւէ: kiwi կայքին մէջ հրապարակուած յօդուածին մէջ կ՛ըսուի, որ Կովկասը կը դառնայ զբօսաշրջային յայտնի ուղղութիւն:

«Հայաստանի մայրաքաղաք Երեւանը մոլորակի ամենաերկար բնակեցուած քաղաքներէն է ու անոր մեծ  հրապարակներն ու լայն փողոցները կը յիշեցնեն Փարիզը, իսկ որոշ վայրեր կրնան յիշեցնել Պուտապեշտն ու Հռոմը: Սակայն սխալ թոյլ չտաք, ասիկա աւելի շատ իւրայատուկ քաղաք է»,-կ՛ըսուի յօդուածին մէջ:

Կը նշուի, որ քաղաքի կեդրոնը բաւական կանաչապատ է, կան այգիներ, ուր կարելի է հանգստանալ, ինչպէս տեղացիները կ՛ընեն: Սնունդի ու խմիչքի ընտրութեան հարցով շատ եւրոպական քաղաքներ կրնան նախանձիլ:

Ուշադրութիւն կը հրաւիրուի Հայոց ցեղասպանութեան թանգարան յուշահամալիրին, ուր կարելի է ծանօթանալ երկրի տխուր անցեալին, կ՛առաջարկուի այցելել Կապոյտ մզկիթ, Կասկադի գագաթ, ուրկէ կարելի է տեսնել ողջ քաղաքը:

Եւրոպական լաւագոյն պիւտճէտային ուղղութիւններուն մէջ են Իտալիոյ Կալապիա, Մաքիտոնիոյ  Օխրիդ, Ֆրանսայի Սթրասպուրկ, Խորուաթիոյ Օսիէկ, Գերմանիոյ Համպուրկ, Սլովաքիոյ Պանսկա Շտեաւնիցա քաղաքները:

LEAVE A REPLY

Please enter your comment!
Please enter your name here