Ծայրայեղականներուն Ցուցաբերուող Ուաշինկթընի Աջակցութիւնը Կը Քայքայէ Տարածաշրջանը. Իրան

0
528

ԹԵՀՐԱՆ.- Ուաշինկթընի կողմէ բռնապետներուն եւ ծայրայեղականներուն ցուցաբերուող աջակցութիւնը կը քայքայէ Միջին Արեւելքը, 6 Փետրուարին «Թուիթըր»ի վրայ գրած է Իրանի արտաքին գործոց նախարար Մոհամմետ Ճաւատ Զարիֆ, հակադարձելով մէկ օր առաջ Միացեալ Նահանգներու նախագահ Տանըլտ Թրամփի «Միութեան վիճակը» ուղերձին ընթացքին կատարած այն ամբաստանութեանց եւ Թեհրանի վրայ գործադրուող ճնշումը շարունակելու օգտին հանդէս գալուն:

«Միացեալ Նահանգներու թշնամանքը զայն հասցուցած է բռնապետներու, դահիճներու եւ ծայրայեղականներու աջակցելու մակարդակին, բան մը, որ միայն աւեր բերած է մեր տարածաշրջանին», գրած է Զարիֆ: Ան նշած է, որ այս օրերուն «իրանցիները, ներառեալ հրեաները, կը նշեն Իրանի Իսլամական յեղափոխութեան 40ամեակը՝ հակառակ Ամերիկայի կողմէ գործադրուող ճնշումին եւ Թրամփի հնչեցուցած նոր մեղադրանքներուն»:

«Վարչակազմս վճռական միջոցներու ձեռնարկած է պետական մակարդակով ահաբեկչութեան գլխաւոր հովանաւորին՝ Իրանի արմատական վարչակարգին հակազդելու համար», պնդած էր Թրամփ՝ աւելցնելով, որ Թեհրան «ցեղասպանութեամբ կը սպառնայ հրեայ ժողովուրդին»։

LEAVE A REPLY

Please enter your comment!
Please enter your name here