Հայաստանի Դրամատուներու Յուսալիութիւնը Կը Բարելաւուի

0
542

ԵՐԵՒԱՆ, «Թերթ».- Հայաստանի դրամատուներու միութեան հանրային կապերու ծառայութիւնը կը տեղեկացնէ, որ Հայաստանի համաշխարհային մրցունակութեան գնահատականներու շարքին էականօրէն բարելաւուած են նաեւ ելեւմտական եւ դրամատնային ցուցանիշները:

Համաշխարհային տնտեսական ֆորումին կողմէ պարբերաբար կը հրապարակուի աշխարհի շուրջ 137 երկիրներու մրցունակութեան զեկոյցը:

Համաշխարհային մրցունակութեան վարկանիշին գծով, 2017-2018 թուականներուն Հայաստան իր դիրքերը, ի շարս հանրային կեանքի այլ ոլորտներու, բարելաւած է նաեւ «ելեւմտական շուկայի զարգացածութիւն» հատուածը՝ նախորդ զեկոյցի 90րդ հորիզոնականէն տեղափոխուելով 78-րդ հորիզոնական:

Զգալի բարելաւում արձանագրուած է նաեւ ելեւմտա-դրամատնային համակարգին նկատմամբ վստահելիութեան բաղադրիչին գծով՝ ըստ որուն, դրամատուներու յուսալիութեան առումով մեր երկրին դիրքը նախորդ 80-րդ տեղէն տեղափոխուած է 75-րդ տեղը, իսկ արժեթուղթերու շրջանառութեան կարգաւորումներու ասպարէզին մէջ 85-րդ հորիզոնականէն անցում կատարուած է դէպի 79-րդ հորիզոնական:

LEAVE A REPLY

Please enter your comment!
Please enter your name here