Երեւանը Պէտք Է Քաղաքական Կամք Դրսեւորէ Ի Շահ Խաղաղութեան Հաստատման. Մամետիարով

0
546

ԵՐԵՒԱՆ, «Թերթ».- Ատրպէյճանի արտաքին գործոց նախարար Էլմար Մամետիարով «Քորէա Թայմզ» թերթին հետ հարցազրոյցի մը ընթացքին անդրադարձաւ Արցախի հակամարտութեան եւ պնդեց, որ Ատրպէյճանի իշխանութիւնները պատրաստ են «բարձր մակարդակով ինքնավարութեան իրաւունք» շնորհելու Արցախի բնակչութեան:

«Հայաստանի ներկայի իշխանութիւնները պէտք է դրսեւորեն քաղաքական կամք եւ գործեն ի շահ խաղաղութեան հաստատման, կայունութեան ու տարածաշրջանին մէջ կայուն զարգացման», աւելցուց Մամետիարով:

Ան նշեց, որ Պաքու յոյս ունի, որ այս տարի յստակ յառաջխաղացք տեղի կ՛ունենայ եւ հայկական զօրքերը (այսպէս կոչուած) «Ատրպէյճանի գրաւեալ տարածքներէն» կը հեռանան:

Աւելի կանուխ հաղորդուած էր, որ 16-18 Փետրուարին տեղի պիտի ունենայ ապահովական հարցերով հերթական համաժողով մը, որուն ընթացքին Հայաստանի արտաքին գործոց նախարար Զօհրապ Մնացականեան կրնայ հանդիպիլ իր պաշտօնակիցին հետ:

LEAVE A REPLY

Please enter your comment!
Please enter your name here