ՀԲԸՄ-ՀԵԸ «Փափազեան»Ականները Ընտանեկան Ջերմ Մթնոլորտի Մէջ

0
1364

Կիրակի, 10 Փետրուար  2019-ի կէսօրին,  ՀԲԸՄ-ՀԵԸ-ի «Վահրամ Փափազեան» թատերախումբի վարչութեան կազմակերպութեամբ,  թատերախումբի   բեմադրիչ Յարութ Գնդունիի, հին եւ նոր դերասաններու մասնակցութեամբ ընկերային հաւաք մը տեղի ունեցաւ  ՀԲԸՄ-ՀԵԸ-ի Ահրամճեան կեդրոնին մէջ:

Միութենական այս ջերմ մթնոլորտը իրենց ներկայութեամբ ոգեւորեցին ՀԵԸ-ի Կեդրոնական վարչութեան ատենադպիր Յակոբ Թէլվիզեանը  եւ անդամ՝ Արա Տաքեսեանը, թատերախումբի  վարչականներ Վազգէն Մուղալեանը, Սեւակ Նորշահեանը:

Յակոբ Թէլվիզեան, թատերախումբի անդամներուն փոխանցեց ՀԵԸ-ի Կեդրոնական Վարչութեան  բարեմաղթութիւնները՝  նոր ներկայացումին նախօրէին, աւելցնելով, թէ 2019-ը կը զուգադիպի ՀԲԸՄ-ՀԵԸ-ի «Վահրամ Փափազեան» թատերախումբի հիմնադրութեան վաթսունամեակին, որուն համար պիտի կազմուի յոբելենական  մարմին, հանդիսաւորապէս եւ մեծ շուքով նշելու անկիւնադարձային այս տարեդարձը: Յոբելենական տարին առիթ մը պիտի ըլլայ համախմբելու բոլոր «Փափազեան»ականները, «Վահրամ Փափազեան» թատրոնի  երախտաւորներ Գրիգոր Սաթամեանը, Երուանդ Ղազանճեանը:

Նշենք, թէ ՀԲԸՄ- ՀԵԸ-ի «Վահրամ Փափազեան»  թատերախումբը  22 Մարտ 2019-էն սկսեալ  Յակոբ Տէր Մելքոնեան  թատերասրահին մէջ պիտի ներկայացնէ  անգլիացի գրող Մայքըլ Գունիի  «Ակամայ Ստախօսը» կատակերգութիւնը:

ՀԵԸ-Ի ՄԱՄԼՈՅ ԵՒ ՏԵՂԵԿԱՏՈՒԱԿԱՆ  ԳՐԱՍԵՆԵԱԿ

LEAVE A REPLY

Please enter your comment!
Please enter your name here