Հայաստան-Լիբանան Միջկառավարական Յանձնաժողովի Նիստը Կը Գումարուի Յառաջիկայ Ապրիլին

0
630

ՀՀ վարչապետ Նիկոլ Փաշինեան հեռաձայնային զրոյց մը ունեցաւ Լիբանանի կառավարութեան ղեկավար Սաատ Հարիրիի հետ: Փաշինեան շնորհաւորեց Հարիրին՝ Լիբանանի նոր կառավարութեան ձեւաւորման եւ վարչապետի պաշտօնին անոր  վերանշանակուելուն առիթով: Այս մասին կը հաղորդեն ՀՀ վարչապետի գրասենեակէն։

Վարչապետը յաջողութիւն մաղթեց Հարիրիին եւ անոր կազմին ու յայտնեց, թէ համոզուած է, որ նոր կառավարութիւնը երկիրը պիտի տանի դէպի զարգացում եւ տնտեսական յառաջընթաց:

Զրուցակիցները կարեւոր նկատեցին երկու երկիրներուն միջեւ տնտեսական կապերու ամրապնդումը: Անոնք համաձայնեցան Հայաստան-Լիբանան միջկառավարական յանձնաժողովի նիստը գումարել յառաջիկայ Ապրիլին:

LEAVE A REPLY

Please enter your comment!
Please enter your name here