ՀԲԸՄ-Ի ԵՐԲԵՄՆԻ ՆԱԽԱԳԱՀ, ԱԶԳԱՅԻՆ ԲԱՐԵՐԱՐ ԼՈՒԻԶ ՍԻՄՈՆ ՄԱՆՈՒԿԵԱՆ ՏՈՂԵՐՈՒ ՄԷՋ

0
768

Լուիզ Սիմոն Մանուկեան ծնած է 19 Մայիս 1933-ին, Տիթրոյթ: Զաւակն է հանրածանօթ հասարակական գործիչ, ազգային բարերար, ՀԲԸՄ-ի ցկեանս նախագահ Ալեք Մանուկեանի: Ալեք Մանուկեան եղած է Հայկական Բարեգործական Ընդհանուր Միութեան 5-րդ նախագահը:
Անոր ծնողները 1962-ին հիմնադրած են « Լուիզ Մանուկեան-Սիմոն» հիմնադրամը, որ յետագային վերանուանուած է «Մանուկեան-Սիմոն» հիմնադրամ:
Լուիզ Սիմոն Մանուկեան ամուսնացած է Արման Սիմոնի հետ, ապրած է Մենհեթըն: 1989-ին, յաջորդած է իր հօր՝ Ալեք Մանուկեանին, դառնալով ՀԲԸՄ-ի նախագահ:
1979 թուականին Լուիզ Սիմոն Մանուկեան սկսած է ծառայել Մեծի Տանն Կիլիկիոյ Արեւմտեան թեմին, դառնալով անոր առաջին իգական սեռի ծառայողը:
Լուիզ Սիմոն Մանուկեան դարձաւ 1988 թուականին, Սպիտակի երկրաշարժի աղէտեալներուն մարդասիրական օժանդակութիւն կազմակերպող առաջին անձնաւորութիւնը:
2000 թուականին, Լուիզ Սիմոն Մանուկեան եւ անոր եղբայրը՝ Ռիչարտ Մանուկեան, 2 միլիոն տոլարի նուիրատուութիւն մը կատարած են Երեւանի Սուրբ Գրիգոր Լուսաւորիչ եկեղեցւոյ շինարարութեան:
2007 թուականին, Լուիզ Սիմոն Մանուկեան 1,2 միլիոն տոլար յատկացուցած է Միշիկընի համալսարանի հայ ուսանողներուն:
26 Նոյեմբեր 2012-ին, Ամենայն Հայոց Գարեգին Բ. կաթողիկոսը Լուիզ Սիմոն Մանուկեանը պարգեւատրած է Ասպետ Սուրբ Էջմիածինի շքանշանով:
Լուիզ Սիմոն Մանուկեան իր ետին կը ձգէ դուստր մը՝ Քրիսթինէ, երկու մանչ՝ Դաւիթ եւ Մարք:

 

LEAVE A REPLY

Please enter your comment!
Please enter your name here